Ranbir Alia Wedding: रणबीर-आलियाच्या लग्नाची जोरदार तयारी सुरू; पहा Video

अभिनेता रणबीर कपूर आणि आलिया भट्ट.. ही बॉलिवूडमधील सर्वाधिक चर्चेत असलेली जोडी लवकरच लग्नबंधनात (Ranbir Alia Wedding) अडकणार आहे. गेल्या काही दिवसांपासून या दोघांच्या लग्नाची जोरदार चर्चा सुरू आहे.

Ranbir Kapoor and Alia BhattImage Credit source: Twitter

स्वाती वेमूल | Updated on: Apr 08, 2022 | 9:37 AM

अभिनेता रणबीर कपूर आणि आलिया भट्ट.. ही बॉलिवूडमधील सर्वाधिक चर्चेत असलेली जोडी लवकरच लग्नबंधनात (Ranbir Alia Wedding) अडकणार आहे. गेल्या काही दिवसांपासून या दोघांच्या लग्नाची जोरदार चर्चा सुरू आहे. रणबीर किंवा आलियाने (Ranbir Alia) या लग्नाविषयी अद्याप कोणतीही माहिती दिली नसली तरी 13 ते 17 एप्रिलदरम्यान हे दोघं लग्नगाठ बांधणार असल्याचं म्हटलं जात आहे. मुंबईतील चेंबूर इथल्या आर. के. बंगल्यावर (RK House) मोजक्या पाहुण्यांच्या उपस्थित रणबीर-आलिया लग्न करतील. याच लग्नाची जोरदार तयारी सुरू झाली आहे. या तयारीचा व्हिडीओ सध्या सोशल मीडियावर व्हायरल होतोय. सेलिब्रिटी फोटोग्राफर आणि पापाराझी विरल भयानीच्या अकाऊंटवर एक व्हिडीओ पोस्ट करण्यात आला आहे. ज्यामध्ये आलियाचे पीआर, सिक्युरिटी हेड आणि मॅनेजर हे रणबीरच्या घराची रेकी करताना दिसत आहेत.

आलियाची पब्लिसिस्ट निलूफर कुरेशी, सिक्युरिटी हेड युसूफभाई आणि तिची मॅनेजर ग्रिष्मा हे तिघे या व्हिडीओत रेकी करताना पहायला मिळत आहेत. पारंपरिक पंजाबी विवाहपद्धतीनुसार हे लग्न पार पडणार असून आर.के. हाऊसमधील लग्नानंतर रणबीर-आलिया हे मुंबईतील गुरुद्वारामध्ये लंगरचं आयोजन करणार असल्याचीही माहिती आहे. रणबीर कपूरचे आईवडील ऋषी कपूर आणि नीतू कपूर यांनीसुद्धा त्यांच्या लग्नानंतर गुरुद्वारामध्ये लंगरचं आयोजन केलं होतं. हीच परंपरा रणबीर-आलिया पुढे कायम ठेवणार आहेत. कतरिना कैफ आणि विकी कौशलच्या लग्नाप्रमाणेच या लग्नसोहळ्यातही पाहुण्यांना मोबाइल वापरण्यास बंदी आहे.

लग्नाच्या तयारीचा व्हिडीओ-

View this post on Instagram

A post shared by Viral Bhayani (@viralbhayani)

नीतू कपूर यांनी नुकतीच सेलिब्रिटी फॅशन डिझायनर मनिष मल्होत्रा यांच्या स्टोअरला भेट दिली. या लग्नसोहळ्याला अयान मुखर्जी, करण जोहर, आदित्य रॉय कपूर, विकी कौशल, कतरिना कैफ, रणवीर सिंग, दीपिका पदुकोण उपस्थित असणार असल्याचंही कळतंय. रणबीर-आलियाने नुकतंच त्यांच्या आगामी ‘ब्रह्मास्त्र’ या चित्रपटाची शूटिंग पूर्ण केली. त्यानंतरच्या प्रोजेक्ट्ससाठी होणाऱ्या शूटिंगच्या तारखाही त्यांनी लग्नसोहळ्याच्या हिशोबाने ठरवल्या असल्याचं समजतंय.