हाय हिल्समध्ये पडता पडता वाचली दीपिका; चाहत्याने केली मदत तर म्हणाली Don’t Touch Me
दीपिकाच्या उलट्या बोंबा; हाय हिल्समध्ये धडपडताना ज्याने वाचवलं त्याच्यावर चिडली, Video व्हायरल
मुंबई: ‘ससुराल सिमर का’ या मालिकेत भूमिका साकारत अभिनेत्री दीपिका कक्कर घराघरात पोहोचली. याच मालिकेतल्या शोएब इब्राहिमसोबत दीपिकाने दुसरं लग्न केलं. ही जोडी चाहत्यांमध्ये खूप लोकप्रिय आहे. नुकत्याच एका कार्यक्रमात या दोघांनी एकत्र हजेरी लावली होती. यावेळी दीपिकाने ब्लॅक ड्रेस परिधान केला होता. मात्र या कार्यक्रमातून बाहेर निघताना हाय हिल्समुळे ती पडता पडता वाचली.
उंच टाचाच्या सँडलमुळे दीपिकाचा तोल ढासळला आणि ती धडपडली. मात्र ती खाली पडण्याआधी एका चाहत्याने तिला वाचवण्याचा प्रयत्न केला. या चाहत्याने दीपिकाचा हात पकडला तेव्हा ती तिच्यावर चिडताना दिसली. “मी ठीक आहे, मी ठीक आहे, मला अशा पद्धतीने स्पर्श करू नका”, असं ती आधी म्हणाली. यावेळी दीपिकाच्या चेहऱ्यावरचा राग स्पष्ट पहायला मिळत होता.
दीपिकाचं ऐकल्यानंतर त्या चाहत्याने लांबच राहण्याचा प्रयत्न केला. हा व्हिडीओ सोशल मीडियावर व्हायरल झाल्यानंतर नेटकरी दीपिकावर राग व्यक्त करत आहेत. दुसऱ्या एका व्हिडीओमध्ये ती पापाराझींना म्हणते, “ती व्यक्ती (शोएब अख्तर) पुरस्कार हातात घेऊन मागून येतेय. तुम्ही त्यांच्याकडे जा आणि त्यांना प्रश्न विचारा.” यानंतर ती गाडीजवळ निघून जाते.
दीपिकाचं हे वागणं योग्य नाही, अशी कमेंट नेटकरी करत आहेत. ‘ज्याने तुला पडण्यापासून वाचवलं, त्याच्यावरच तू चिडतेय’, असं एकाने लिहिलं. तर ‘ज्याचं करावं भलं, तो बोलतो माझंच खरं’ अशा शब्दांत दुसऱ्याने सुनावलं. ‘तुम्ही तिची मदतच का केली, पडायला पाहिजे होतं’, असं एकाने मदत करणाऱ्या व्यक्तीसाठी लिहिलं.
दीपिकाने 2011 मध्ये ‘ससुराल सिमर का’ या मालिकेत काम करण्यास सुरुवात केली होती. या मालिकेतून तिला खूप प्रसिद्धी मिळाली. या मालिकेत काम करत असताना तिचं रौनक सॅमसनशी लग्न झालं होतं. मात्र या दोघांचा संसार फार काळ टिकला नाही. तीन वर्षांनंतर दोघांनी घटस्फोट घेतला. त्यानंतर दीपिका शोएबच्या प्रेमात पडली.
