Govinda : ‘गोविंदाने स्वतःच्याच मुलीला उद्ध्वस्त केलं…’, सुनीता अहूजाकडून कटू सत्य समोर, कसं आहे बाप लेकीचं नातं?
Tina Ahuja Birthday : बॉलिवूडचा दिग्गज अभिनेता गोविंदा याला आज कोणत्याच ओळखीची गरज नाही. पण अभिनेत्याचा मुलगा आणि मुलगी दोघे अद्याप प्रसिद्धी झोतात आलेले नाहीत... आता मुलीबद्दल सुनीता अहूजा हिने कटू सत्य सांगितलं आहे.
Tina Ahuja Birthday : अभिनेता गोविंदा आज मोठ्या पडद्यापासून दूर असला तरी, त्याचा जलवा आजही चाहत्यांमध्ये कायम आहे. गेल्या सात वर्षांपासून अभिनेत्याचा कोणताच सिनेमा हिट झाला नाही. पण तरी देखील अभिनेता कोणत्या न कोणत्या कारणामुळे चर्चेत असते. सांगायचं झालं तर, गोविंदा यशाच्या उच्च शिखरावर पोहोचला. पण अभिनेत्याची दोन्ही मुलं आजही प्रसिद्धीझोतापासून दूर आहेत. अभिनेत्याची लेक टीना अहूजा हिने बॉलिवूडमध्ये पदार्पण केलं. पण अभिनेत्री म्हणून टीना उदयास येऊ शकली नाही… टीना हिचं करियर का फेल झालं याचं कारण खुद्द तिने सांगत वडिलांना दोषी ठरवलं आहे.
टीना अहूजाने 2015 मध्ये केलं बॉलिवूडमध्ये पदार्पण…
टीना अहूजाने 2015 मध्ये केलं बॉलिवूडमध्ये पदार्पण केलं, तेव्हा टीना फक्त 26 वर्षांची होती. तिच्या पहिल्या सिनेमाचं नाव होतं, ‘सेकंड हँड हस्बँड’, या सिनेमातून टीना हिला ओळख तर मिळाली, पण फार काळ टिकली नाही. 2020 मध्ये ‘ड्रायविंग मी क्रेझी’ सिनेमातून टीना चाहत्यांच्या भेटीस आली. पण सिनेमा वाईट प्रकारे बॉक्स ऑफिसवर आपटला. त्यानंतर ‘मिलो ना तुम’ या म्यूझीक व्हिडीओमध्ये देखील टीना झळकली. पण तिचं बॉलिवूडमधील करियर फार छोटं आणि अपयशी ठरलं.
का उद्ध्वस्त झालं टीना अहूजाचं करियर?
एका शोमध्ये खुद्द टीना हिनेच तिच्या अपयशाचं खरं कारण सांगितलं होतं. ‘मां है ना’ कार्यक्रमात टीना म्हणालेली, ‘निर्मात्यांनी आधीच माझ्याबद्दल त्यांचे विचार पक्के केलेले. गोविंदाची लेक आहे म्हणून ऑडिशन देणार नाही. स्क्रिन टेस्ट देणार नाही… पण या सर्व गोष्टींसाठी मी तयार होते. निर्मात्यांना असं वाटायचं की, गोविंदा सेटवर येतील आणि मोठा वाद निर्माण करतील. त्यामुळे मला सिनेमात कास्ट करण्यापूर्वी निर्माते फार विचार करायचे…’
एवढंच नाही तर, एका मुलाखतीत सुनीता अहुजा हिने सांगितलं होतं की, ‘वडील गोविंदामुळे माझ्या लेकीचं आयुष्य बर्बाद झालं. स्टारकिड असल्याचा टीनाच्या करियरवर फार मोठा प्रभाव पडला… गोविंदाची मुलगी आहे म्हणून तिला कोणी काम देण्यासाठी तयार होत नव्हते…’, आता बॉलिवूडमध्ये सक्रिय नसली तरी टीना सोशल मीडियावर कायम सक्रिय असते सोशल मीडियावर तिच्या चाहत्यांची संख्या देखील फार मोठी आहे.
