Adipurush: ये तो होना ही था! ‘आदिपुरुष’च्या टीझरवरील हे भन्नाट मीम्स पाहिलेत का?
आदिपुरुषचे मीम्स पाहून पोट धरून हसाल!
ओम राऊत दिग्दर्शित 'आदिपुरुष' या चित्रपटाचा टीझर नुकताच प्रदर्शित झाला. टीझर प्रदर्शित झाल्यापासून त्यातील विविध दृश्यांवरून सोशल मीडियावर मीम्स व्हायरल होत आहेत.
गेम ऑफ थ्रोन्स, ॲक्वामॅन, राइज ऑफ द प्लॅनेट ऑफ द एप्स यांसारख्या हॉलिवूड चित्रपटांमधून सीन्स कॉपी केल्याचा आरोप नेटकऱ्यांनी केला आहे. तसे मीम्ससुद्धा बनवण्यात आले आहेत.
आदिपुरुष हा चित्रपट रामायणाच्या कथेवर आधारित आहे. यामध्ये प्रभासने राम, सैफ अली खानने रावण आणि क्रिती सनॉनने सीतेची भूमिका साकारली आहे.
या चित्रपटातील काही दृश्यांची तुलना अक्षरश: टेम्पल रन या गेमशी केली जातेय. आदिपुरुषमधील भूमिकांवरूनही नेटकऱ्यांनी टीका केली आहे.
यातील रावणाच्या लूकवरून सोशल मीडियावर बरेच मीम्स व्हायरल होत आहेत. सैफ अली खानचा हा लूक रावणापेक्षा जास्त खिल्जीसारखा वाटतोय अशा अनेक कमेंट्स येत आहेत.