Madhuri Dixit: माधुरी दीक्षितच्या सिनेमाचा पाकिस्तानमध्ये धुमाकूळ, थेट नंबर १ला होतोय ट्रेंड
Madhuri Dixit: नेटफ्लिक्सवर पाकिस्तानमध्ये कोणते १० सिनेमे ट्रेंड होत आहेत याची यादी समोर आली आहे. या यादीमध्ये माधुरी दीक्षितचा नवा प्रदर्शित झालेला सिनेमा नंबर वन वर आहे. आता हा सिनेमा कोणता आहे? जाणून घ्या...
बॉलिवूड चित्रपटांची क्रेझ ही जगभरात पाहायला मिळते. अनेकदा तर भारताचा सर्वात मोठा शत्रू आणि सीमेकडील देशामध्ये तर बॉलिवूड सिनेमांची प्रचंड लोकप्रियता पाहायला मिळते. पाकिस्तानमध्ये आज, म्हणजे ११ जून रोजी नेटफ्लिक्सवरील काही सिनेमे ट्रेंड होत असल्याची माहिती समोर आली आहे. नेटफ्लिक्सच्या अधिकृत साइटवर ही यादी प्रसिद्ध करण्यात आली आहे. पाकिस्तान टॉप १० मध्ये पहिल्या चार क्रमांकावर बॉलिवूड चित्रपटांचा समावेश आहे. या यादीत पहिल्या क्रमांकावर तर अभिनेत्री माधुरी दीक्षितचा नुकताच प्रदर्शित झालेला सिनेमा आहे.
१. मां बहन:
यादीत पहिल्या क्रमांकावर नुकताच रिलीज झालेला माधुरी दीक्षितचा डार्क कॉमेडी थ्रिलर सिनेमा मां-बहन आहे. या सिनेमामध्ये माधुरी दीक्षितसोबत तृप्ती डिमरी, सोशल मीडिया इन्फ्लुएन्सर धारणा दुर्गा, गीतांजली कुलकर्णी आणि रवि किशन यांच्यासह इतर कलाकार आहेत. हा सिनेमा टॉप १० मध्ये येऊन एक आठवडा झाला आहे.
२. कारा:
दुसऱ्या क्रमांकावर तमिळ भाषेतील सिनेमा कारा आहे. या सिनेमामध्ये धनुष मुख्य भूमिकेत आहे. सिनेमाचे दिग्दर्शन विग्नेश राजा यांनी केले आहे. हा सिनेमा दोन आठवड्यांपासून पाकिस्तान टॉप १० मध्ये ट्रेंड करत आहे.
३. धुरंधर: द रिवेंज (रॉ अँड अनदेखा):
तिसऱ्या क्रमांकावर रणवीर सिंहचा सिनेमा धुरंधर: द रिवेंज आहे. हा सिनेमा याच वर्षी थिएटरमध्ये रिलीज झाला होता. गेल्या चार आठवड्यांपासून हा नेटफ्लिक्स टॉप १० मध्ये ट्रेंड करत आहे.
४. कर्तव्य:
चौथ्या क्रमांकावर सैफ अली खानचा सिनेमा कर्तव्य आहे. हा एक क्राईम थ्रिलर सिनेमा आहे. गेल्या चार आठवड्यांपासून तो टॉप १० मध्ये ट्रेंड करत आहे.
५. ऑफिस रोमांस:
पाचव्या क्रमांकावर नुकतीच रिलीज झालेली इंग्लिश फिल्म ऑफिस रोमांस आहे. ही एक रोमँटिक कॉमेडी फिल्म आहे. एक आठवड्यापासून ती टॉप १० मध्ये ट्रेंड करत आहे.
६. गोट:
सहाव्या क्रमांकावर स्पोर्ट्स कॉमेडी फिल्म गोट आहे. ही एक अॅनिमेटेड फिल्म आहे. तीन आठवड्यांपासून ती पाकिस्तान टॉप १० मध्ये ट्रेंड करत आहे.
७. स्वॅप्ड:
सातव्या क्रमांकावर अॅनिमेटेड फँटसी अॅडव्हेंचर कॉमेडी फिल्म स्वैप्ड आहे. गेल्या ६ आठवड्यांपासून ही नेटफ्लिक्स टॉप १० मध्ये ट्रेंड करत आहे.
८. मॉर्टल कॉम्बॅट:
आठव्या क्रमांकावर मार्शल आर्ट फिल्म मॉर्टल कॉम्बॅट आहे. तीन आठवड्यांपासून ती पाकिस्तानमध्ये टॉप १० मध्ये ट्रेंड करत आहे.
९. लेडीज फर्स्ट:
नवव्या क्रमांकावर अमेरिकन कॉमेडी फिल्म लेडीज फर्स्ट आहे. ही फिल्म याच वर्षी रिलीज झाली आहे. गेल्या तीन आठवड्यांपासून ती टॉप १० मध्ये ट्रेंड करत आहे.
१०. दोज व्हू विश मी डेड:
दहाव्या क्रमांकावर २०२१ मध्ये रिलीज झालेली अॅक्शन थ्रिलर फिल्म दोज व्हू विश मी डेड आहे. ही फिल्म टेलर शेरिडन यांनी दिग्दर्शित केली आहे. गेल्या दोन आठवड्यांपासून ती टॉप १० मध्ये ट्रेंड करत आहे.
