प्रसिद्ध अभिनेत्याचा रस्ते अपघातात मृत्यू, पत्नी गंभीर जखमी
हा अभिनेता मल्याळम चित्रपटसृष्टीतील एक सुप्रसिद्ध अभिनेते होते. त्यांनी 100हून अधिक चित्रपटांमध्ये खलनायक, नायक आणि विनोदी भूमिका साकारल्या. त्यांच्या चित्रपट कारकिर्दीची सुरुवात 1980 च्या दशकात झाली.
केरळमधील पठाणमथिट्टा जिल्ह्यात मंगळवारी, ५ मे रोजी सकाळी एका भीषण रस्ते अपघातात लोकप्रिय मल्याळम अभिनेते संतोष के. नायर यांचा मृत्यू झाला. या अपघातात त्यांची पत्नी राजलक्ष्मी गंभीररीत्या जखमी झाल्या आहेत. हा अपघात आदूरजवळील पीथुसेरी येथे एमसी रोडवर झाला. संतोष यांची इनोवा कार आणि एका ट्रकची समोरासमोर धडक झाली. अपघातानंतर संतोष यांना वाचवता आले नाही. त्यांच्या पत्नीला तातडीने रुग्णालयात दाखल करण्यात आले असून त्यांची प्रकृती चिंताजनक असल्याचे सांगण्यात येत आहे.
१०० हून अधिक चित्रपटांत केले काम
संतोष के. नायर हे मल्याळम चित्रपटसृष्टीतील एक प्रसिद्ध नाव होते. त्यांनी खलनायक, नायक आणि विनोदी अशा विविध भूमिका साकारत 100 हून अधिक चित्रपटांमध्ये काम केले होते. त्यांचा फिल्मी प्रवास 1980 च्या दशकात सुरू झाला होता आणि ते प्रेक्षकांमध्ये अत्यंत लोकप्रिय होते. त्यांच्या निधनाच्या बातमीने मल्याळम चित्रपटसृष्टीत शोककळा पसरली आहे. त्यांचे सहकारी कलाकार आणि चाहते सोशल मीडियाच्या माध्यमातून संतोष यांच्या निधनाबद्दल दुःख व्यक्त करत आहेत.
