Video: प्रियंका चोप्राच्या पती निकलाही धुरंधरची भूरळ! जोनस ब्रदर्ससोबत शेअर केला डान्स व्हिडिओ
सध्या सोशल मीडियावर अभिनेत्री प्रियांका चोप्राचा पती निक जोनासचा एक व्हिडीओ व्हायरल होत आहे. या व्हिडीओमध्ये तो धुरंधरमधील गाण्यावर डान्स करताना दिसत आहे. तुम्ही त्याचा डान्स पाहिलात का? एकदा नक्की पाहा...
सध्या सर्वत्र धुरंधर चित्रपटाची चांगलीच चर्चा रंगली आहे. मग ते बॉक्स ऑफिसवर चित्रपटाची छप्पर तोड कमाई असो किंवा धुरंधरमध्ये अक्षय खन्ना आणि रणवीर सिंगच्या अभिनयाचे कौतुक असो किंवा चित्रपटाचे पॉप्युलर गाणे शरारत. सर्वत्र धुरंधर चित्रपटाची चर्चा सुरू आहे. पण आता ही चर्चा परदेशातही होऊ लागली आहे. खरे तर, ग्लोबल स्टार प्रियंका चोप्राचा पती आणि हॉलिवूड सिंगर निक जोनस यांनी आपल्या भावांसोबत आणि बँड जोनस ब्रदर्ससोबत एक डान्स व्हिडीओ शेअर केला आहे. या व्हिडीओमध्ये ते धुरंधरच्या गाण्यावर डान्स परफॉर्म करताना दिसत आहेत.
जोनस ब्रदर्ससोबत धुरंधरच्या गाण्यावर निक जोनसने केला डान्स
व्हिडीओमध्ये दिसत आहे की निक जोनास शरारत गाण्यावर हात वर करुन डान्स करताना दिसत आहे. तर त्याच्या मागे त्याचे भाऊही डान्स करताना दिसत आहेत. व्हिडीओ शेअर करताना निक जोनसने कॅप्शनमध्ये लिहिले, नवा प्री शो हाइप साँग अनलॉक झाला आहे. ज्यांना माहिती नाही त्यांच्यासाठी की हे गाणे मधुबंती बागची आणि जॅस्मिन सँडलस यांनी गायले आहे. तर शाश्वत सचदेव यांनी कंपोज केले आहे. या गाण्यात क्रिस्टल डिसूजा आणि आयशा खान डान्स करताना दिसत आहेत.
इंटरनेटने निक जोनसच्या डान्सवर म्हटले नॅशनल जीजू
निक जोनासने हा व्हिडीओ शेअर करताच सोशल मीडियावर तुफान व्हायरल झाला आहे. नेटकरी त्यावर प्रतिक्रिया देताना दिसत आहेत. एका युजरने लिहिले आहे की, नॅशनल जीजू. दुसऱ्या युजरने लिहिले, प्री शो प्लेलिस्ट लगेच हवी आहे. तिसऱ्या युजरने लिहिले, माझा डिसेंबर अधिकृतपणे याच्यासोबत संपला आहे. जीजाजी नैना लगावा गाण्यावर डान्स करताना दिसत आहेत. चौथ्या युजरने लिहिले, निक जीजू आपली बेस्ट लाइफ जगत आहेत.
धुरंधर विषयी बोलायचे झाले तर हा चित्रपट आदित्य धर यांनी दिग्दर्शित केला आहे. तर ५ डिसेंबरला चित्रपट रिलीज झाला आहे. चित्रपटात रणवीर सिंग, अक्षय खन्ना, अर्जुन रामपाल, संजय दत्त, आर. माधवन, सारा अर्जुन आणि राकेश बेदी महत्त्वाच्या भूमिकेत आहेत. चित्रपटाने दोन आठवड्यात ४६०.२५ कोटींचा कलेक्शन केला आहे.
