प्रियांका चोप्रा-निक जोनासचे खासगी फोटो लीक; 10 वर्षांनी लहान पतीसोबत ‘देसी गर्ल’चा रोमँटिक अंदाज

मुंबई : 3 जानेवारी 2024 | बॉलिवूड ते हॉलिवूडपर्यंतचा यशस्वी प्रवास करणारी ‘देसी गर्ल’ अर्थात अभिनेत्री प्रियांका चोप्रा आता परदेशात पतीसोबत राहते. मात्र भारतात ती नेहमी कोणत्या ना कोणत्या कारणामुळे चर्चेत असतेच. शूटिंगनिमित्त किंवा कुटुंबीयांची भेट घेण्यासाठी प्रियांका भारतातसुद्धा येते. नुकतेच तिचे काही फोटो सोशल मीडियावर व्हायरल होत आहेत. न्यू इअर व्हेकेशनचे हे तिचे फोटो असून त्यात ती पती निक जोनाससोबत रोमँटिक अंदाजात दिसून येतेय. प्रियांका आणि निकचे हे फोटो सध्या सोशल मीडियावर व्हायरल होत आहेत. प्रियांका आणि निक व्हेकेशनवर गेल्याची ही काही पहिलीच वेळ नाही. याआधी त्यांनी सुट्ट्यांचा आनंद घेतानाचे फोटो सोशल मीडियावर पोस्ट केले होते. मात्र यावेळी प्रियांका किंवा निकने हे फोटो पोस्ट केले नाहीत. तर दुसऱ्यांनी त्यांचे खासगी फोटो क्लिक केले आणि ते लीक केले आहेत.

प्रियांका पती निकसोबत काबो याठिकाणी सुट्ट्यांचा आनंद घेत असल्याचं या फोटोच्या कॅप्शनमध्ये म्हटलंय. या फोटोंमध्ये निक आणि प्रियांकाचे खासगी क्षण पहायला मिळत आहेत. पूलजवळ प्रियांका स्विमसूटमध्ये उभी असून निकसोबत ती रोमँटिक होताना दिसतेय. प्रियांकाने पांढऱ्या रंगाची मोनॉकिनी आणि त्यावर ऑरेंज श्रग घेतला आहे. तर शॉर्ट्स आणि टी-शर्ट असा निकला कॅज्युअल लूक आहे. हे दोघं एकमेकांच्या मिठीत किस करताना हा फोटो काढण्यात आला आहे.

पहा फोटो

View this post on Instagram

A post shared by Jerry x Mimi 😍 (@jerryxmimi)

प्रियांका चोप्रा आणि निक जोनास यांनी 2024 या नवीन वर्षाची सुरुवात मेक्सिकोमधील काबो याठिकाणी केली. या सेलिब्रेशनमध्ये प्रियांकाची आई मधू चोप्रासुद्धा सहभागी झाल्या होत्या. न्यू इअर सेलिब्रेशनचे फोटो प्रियांकाने शेअर केले नाहीत. पण तिच्या फॅन अकाऊंटवरून बरेच फोटो व्हायरल झाले आहेत. या अकाऊंटवर प्रियांकाचे तिच्या मुलीसोबतचे काही फोटोसुद्धा पोस्ट करण्यात आले आहेत. प्रियांकाच्या आगामी चित्रपटांबद्दल बोलायचं झाल्यास, ती ‘हेड्स ऑफ स्टेट’ या चित्रपटात जॉन सिना आणि इद्रिस एल्बासोबत स्क्रीन शेअर करणार आहे.