Richa Ali Wedding: रिचाच्या हातावर सजली अलीच्या नावाची मेहंदी; संगीत कार्यक्रमात दोघांचा खास डान्स
रिचा-अलीच्या मेहंदी-संगीत कार्यक्रमाची खास क्षणचित्रे
अभिनेत्री रिचा चड्ढा आणि अभिनेता अली फजल लवकरच लग्नबंधनात अडकणार आहेत. येत्या 6 ऑक्टोबर रोजी ही लोकप्रिय जोडी आपल्या आयुष्याच्या नव्या प्रवासाला सुरुवात करणार आहे.
रिचा-अलीचं लग्न मुंबईत पार पडणार आहे. मात्र त्याआधी दिल्लीत या दोघांचा मेहंदी आणि संगीताचा कार्यक्रम पार पडला. या कार्यक्रमाचे खास फोटो रिचाने इन्स्टाग्रामवर पोस्ट केले आहे.
मेहंदी आणि संगीताच्या कार्यक्रमात रिचा-अलीच्या चेहऱ्यावरील आनंद स्पष्ट पहायला मिळतोय. या कार्यक्रमासाठी रिचाने पेस्टल रंगाचा लेहंगा परिधान केला.
रिचाच्या हातावरील मेहंदी खूपच खास आहे. कारण या मेहंदीमध्ये तिच्या लग्नाचा 'A & R' हा लोगोसुद्धा काढण्यात आला आहे.
कोरोना महामारी आणि लॉकडाऊनमुळे या दोघांनी लग्नाची तारीख पुढे ढकलली होती. आता दिल्लीत 2 ऑक्टोबरपर्यंत लग्नापूर्वीचे कार्यक्रम पार पडणार आहेत. त्यानंतर 6 ऑक्टोबरला मुंबईत लग्नसोहळा पार पडणार आहे.
2012 मध्ये फुकरे या चित्रपटाच्या सेटवर रिचा आणि अलीची पहिली भेट झाली होती. सात वर्षे एकमेकांना डेट केल्यानंतर 2019 मध्ये रिचा-अलीने साखरपुडा केला.