मुंबई : गेल्या काही दिवसांपासून शाहरुख खान (Shah Rukh Khan) हा तूफान चर्चेत आहे. शाहरुख खान याचे एका मागून एक चित्रपट प्रेक्षकांच्या भेटीला येत असून हे चित्रपट मोठा धमाका करताना देखील दिसत आहेत. आता शाहरुख खान याचा डंकी हा चित्रपट (Movie) लवकरच प्रेक्षकांच्या भेटीला येईल. शाहरुख खान याच्या करिअरमधील सर्वाधिक कमाई करणारा चित्रपट पठाण हाच ठरलाय. पठाण चित्रपटाने धमाकेदार कामगिरी ही नक्कीच केलीये. चाहत्यांनी जवान चित्रपटाला देखील मोठे प्रेम दिले.
दुसरीकडे बाॅलिवूड अभिनेता अजय देवगण याचेही चित्रपट धमाकेदार कामगिरी करत आहेत. मात्र, अक्षय कुमार याचे एका मागून एक चित्रपट फ्लाॅप जाताना दिसत आहेत. काही दिवसांपूर्वीच अक्षय कुमार याचा मिशन रानीगंज हा चित्रपट रिलीज झाला. मात्र, अजूनही या चित्रपटाला म्हणावा तसा धमाका करण्यात अजिबातच यश मिळाले नाही.
मिशन रानीगंज चित्रपटाच्या अगोदर अक्षय कुमार याचा सेल्फी चित्रपट रिलीज झाला. मात्र, तोही फ्लाॅप गेला. पुढील काही दिवसांमध्ये मिशन रानीगंज हा चित्रपट धमाका करणार असल्याचे सांगितले जातंय. आता सोशल मीडियावर शाहरुख खान, अजय देवगण आणि अक्षय कुमार यांचा एक व्हिडीओ तूफान व्हायरल होतोय.
या व्हायरल होणाऱ्या व्हिडीओमध्ये हे स्टार एका पान मसाल्याची जाहिरात करताना दिसत आहेत. यामुळेच आता हे स्टार नेटकऱ्यांच्या निशाण्यावर आलेत. लोक यांना खडेबोल सुनावताना देखील दिसत आहेत. चित्रपट हिट ठरताच अशाप्रकारची जाहिरात गेल्याने यांना सोशल मीडियावर तूफान ट्रोल केले जात आहे.
Vimal brothers are back pic.twitter.com/DyljYbXcUG
— Syed Irfan Ahmad (@Iam_SyedIrfan) October 8, 2023
जाहिरातीच्या व्हिडीओमध्ये दिसत आहे की, अजय देवगण आणि शाहरुख खान हे गाडीमध्ये बसले असून अक्षय कुमार याला आवाज देत आहेत. मात्र, तो बाहेर येत नाही तेवढ्याच शाहरुख खान हा खिडकीला बाॅल मारतो. मात्र, अक्षय कुमार याला बोलवण्यासाठी अजय देवगण हा पान मसाला खाताना दिसतोय. पान मसाल्याच्या सुगंधामुळे तो खाली येतो.
एकाने या व्हिडीओवर कमेंट करत थेट म्हटले की, तुम्हाला लाज वाटत नाही अशाप्रकारची जाहिरात करताना? दुसऱ्याने लिहिले की, अरे यार अशाप्रकारच्या जाहिराती करणे खरोखरच बंद करा यार. यापूर्वीही या तिन्ही कलाकारांना तंबाकूची जाहिरात केल्याने 2022 मध्ये प्रचंड ट्रोल करण्यात आले होते. ज्यानंतर अक्षय कुमार याने मोठा निर्णय घेतला होता. आता परत अशा जाहिरातीमध्ये यांना पाहून लोक हैराण झाले.