लग्नाआधीच प्रेग्नेंट राहिली होती शाहरुखची ही अभिनेत्री, अपघातात बिघडला सुंदर चेहरा
Bollywood : बॉलिवूडमध्ये अनेक अभिनेत्रींनी आपल्या करिअरमध्ये अनेक हिट चित्रपट दिले आहेत. पण आज त्या या इंडस्ट्रीपासून दूर आहेत. असं असलं तरी त्या नेहमीच चर्चेत असतात. बॉलिवूडची अशीच एक अभिनेत्री जी लग्नाआधीच प्रग्नेंट झाल्याने चर्चेत राहिली होती.
मुंबई : बॉलिवूडमध्ये अनेक अशा अभिनेत्री आहेत ज्या वेगवेगळ्या कारणांमुळे चर्चेत असतात. बॉलिवूडमध्ये अशा ही काही अभिनेत्री आहेत ज्या लग्नाच्या आधीच गर्भवती राहिल्या होत्या. त्यामुळे त्या खूप चर्चेत आल्या. त्यापैकीच एक नाव म्हणजे अभिनेत्री महिमा चौधरी. पहिल्याच चित्रपटात महिमाने चांगली प्रसिद्धी मिळवली होती. अभिनेत्री महिमा चौधरी आता इंडस्ट्रीतून गायब झाली आहे.
13 सप्टेंबर 1973 रोजी पश्चिम बंगालच्या दार्जिलिंगमध्ये महिमाचा जन्म झाला होता. त्यानंतर तिने दिल्लीला शिक्षणासाठी येण्याआधीच सौंदर्याची स्पर्धा जिंकली होती. 1990 च्या दशकात तिने अनेक जाहिरातींमध्ये काम केले. ज्यामध्ये आमिर खानसोबत केलेल्या पेप्सीच्या जाहिरातीचाही समावेश आहे. जी त्यावेळी खूप गाजली होती.
लग्नाआधीच प्रेग्नेंट राहिली होती महिमा
1997 मध्ये परदेस चित्रपटातून तिने बॉलिवूडमध्ये पदार्पण केले होते. दिग्दर्शक सुभाष घई यांनी तिला पाहताच चित्रपटाची ऑफर दिली होती. परदेस, दिल क्या करे, लज्जा, धडकन, दिल है तुम्हारा यांसारख्या अनेक यशस्वी चित्रपटांमध्ये तिने काम केले.
महिमा चौधरीने 2006 मध्ये लग्न करण्याचा निर्णय घेतला होता. मुंबईतील वास्तुविशारद बॉबी मुखर्जीसोबत तिने लग्न केले होते. त्यावेळी ती प्रेग्नेंसीमुळे चांगलीच चर्चेत आली होती. अनेक अभिनेत्रींनी आपली गर्भधारणा लपविण्यासाठी गुपचूप किंवा घाईघाईने लग्न केले आहेत.
बॉलीवूडमध्ये लग्नाआधीच प्रेग्नंट झालेल्या अभिनेत्रींची यादी मोठी आहे. यामध्ये श्रीदेवी, कोंकणा सेन शर्मा आणि सारिका हसन यांसारख्या अभिनेत्रींच्या नावांचा समावेश आहे.
महिमा चौधरीने तिच्या सुरेल आवाजाने आणि निरागस चेहऱ्याने चाहत्यांना वेड लावले होते. अभिनेत्री महिमा चौधरी आता ५० वर्षांची झाली आहे. महिमाने आयुष्यात कॅन्सरसारख्या गंभीर आजाराला ही झुंज दिली होती.
परदेस सिनेमा ठरला होता हिट
परदेश सिनेमासाठी दिग्दर्शकाने सुमारे तीन हजार मुलींची स्क्रीन टेस्ट घेतली होती. पण त्यांना तो चेहरा मिळत नव्हता. सुभाष घई यांची नजर महिमा चौधरीवर पडली आणि त्यांनी लगेच तिच्यासोबत सिनेमा साईन केला. या चित्रपटात शाहरुख खानसोबत महिमाची जोडी प्रेक्षकांना खूप आवडली होती. उत्कृष्ट अभिनयासाठी महिमाला सर्वोत्कृष्ट महिला पदार्पणासाठी फिल्मफेअर पुरस्कार देखील मिळाला होता.
अपघातामध्ये चेहरा झाला खराब
दिल क्या करे’ चित्रपटाच्या शूटिंगदरम्यान शूटिंगसाठी जात असताना महिमाच्या कारला अपघात झाला होता. त्यावेळी त्याच्या चेहऱ्यावर शस्त्रक्रिया करून डॉक्टरांनी सुमारे 67 काचेचे तुकडे काढले होते. त्यामुळे तिचा चेहरा खूपच खराब झाला. त्यामुळे ती इंडस्ट्रीपासून दुरावली गेली.
