Shamita Shetty | आमिर अलीला डेट करण्याच्या चर्चांवर भडकली शमिता शेट्टी; म्हणाली ‘रिॲलिटी चेक करून..’
शमिता पुन्हा एकदा चर्चेत आली आहे. यावेळी तिला अभिनेता आमिर अलीसोबत पाहिलं गेलं. शमिताच्या गालावर किस करतानाचा आमिरचा व्हिडीओ व्हायरल झाला आणि तिथूनच डेटिंगच्या चर्चांना सुरुवात झाली. या चर्चांवर अखेर शमिताने मौन सोडलं आहे.
मुंबई: अभिनेत्री शमिता शेट्टी तिच्या खासगी आयुष्यामुळे बऱ्याचदा चर्चेचा विषय ठरते. बिग बॉसच्या 15 व्या सिझनमध्ये हजेरी लावल्यानंतर शमिताचं नाव अभिनेता राकेश बापटशी जोडलं गेलं. बिग बॉसमधून बाहेर पडल्यानंतरही दोघं अनेकदा एकत्र दिसले. मात्र अचानक सोशल मीडियावर पोस्ट लिहित त्यांनी ब्रेकअप केल्याचं जाहीर केलं. त्यानंतर आता शमिता पुन्हा एकदा चर्चेत आली आहे. यावेळी तिला अभिनेता आमिर अलीसोबत पाहिलं गेलं. शमिताच्या गालावर किस करतानाचा आमिरचा व्हिडीओ व्हायरल झाला आणि तिथूनच डेटिंगच्या चर्चांना सुरुवात झाली. या चर्चांवर अखेर शमिताने मौन सोडलं आहे.
सोशल मीडियावर पोस्ट लिहित शमिताने नेटकऱ्यांविषयी नाराजी व्यक्त केली आहे. ‘हा समाज आणि त्याची सोयीस्कर मानसिकता माझ्यासाठी अनाकलनीय आहे. कोणतंही रिॲलिटी चेक न करता प्रत्येक कृती आणि प्रत्येक व्यक्तीबाबत का मतं बनवली जातात? नेटकऱ्यांच्या संकुचित मानसिकतेपलीकडेही बऱ्याच शक्यता असतात’, अशी पोस्ट शमिताने लिहिली.
I’m baffled by society and it’s convenient prudish mindset all across. Why is every action and every person subjected to scrutiny or snap judgement with no reality check? There are possibilities beyond the narrow-minded assumptions of the NETIZENS,
— Shamita Shetty ? (@ShamitaShetty) January 30, 2023
आपल्या रिलेशनशिप स्टेटसबद्दल तिने पुढे लिहिलं, ‘आपली मानसिकता बदलण्याची खूप गरज आहे. मी सिंगल आणि खुश आहे. त्यामुळे या देशातील इतर महत्त्वाच्या विषयांवर लक्ष केंद्रीत करुयात.’
it’s high time we open our minds to it! Single n happy .. let’s focus on more important issues in this country!
— Shamita Shetty ? (@ShamitaShetty) January 30, 2023
शमिता आणि आमिर यांना एकत्र पार्टी करताना पाहिल्यानंतर दोघांविषयी सोशल मीडियावर चर्चा होऊ लागल्या. व्हायरल झालेल्या व्हिडीओमध्ये आमिर शमिताला तिच्या कारपर्यंत घेऊन जाताना दिसतो आणि त्यानंतर तिच्या गालावर किस करतो.
याआधी शमिता अभिनेता राकेश बापटला डेट करत होती. बिग बॉसच्या घरात हे दोघं एकमेकांच्या प्रेमात पडले होते. मात्र या दोघांचं नातं फार काळ टिकलं नाही. तर दुसरीकडे नऊ वर्षांच्या संसारानंतर आमिरने पत्नी संजीदा शेखला घटस्फोट दिला. काही महिन्यांपूर्वी दिलेल्या मुलाखतीत आमिरने या घटस्फोटाचा खुलासा केला होता.
