Titeeksha Tawde | मराठमोळी तितीक्षा तावडे ‘दृश्यम 2’मधील अभिनेत्याला करतेय डेट? पहा फोटो
तितीक्षाने बऱ्याच मालिका आणि काही चित्रपटांमध्येही भूमिका साकारल्या आहेत. क्रिकेटर मिताली राजच्या आयुष्यावर आधारित 'शाब्बाश मिठू' या चित्रपटातही तिने महत्त्वपूर्ण भूमिका साकारली होती. सध्या ती 'सातव्या मुलीची सातवी मुलगी' या मालिकेतून प्रेक्षकांच्या भेटीला येत आहे.
मुंबई : ‘सातव्या मुलीची सातवी मुलगी’ या मालिकेत भूमिका साकारणारी अभिनेत्री तितीक्षा तावडेनं नुकतेच सोशल मीडियावर वाढदिवस साजरा करतानाचे फोटो पोस्ट केले आहेत. मात्र या फोटोंमधील एका खास व्यक्तीने नेटकऱ्यांचं लक्ष वेधलं आहे. तितीक्षासोबत या फोटोंमध्ये ‘दृश्यम 2’ फेम अभिनेता सिद्धार्थ बोडके दिसला. कुटुंबीय आणि सिद्धार्थसोबतचे खास फोटो पोस्ट करत तितीक्षाने त्यांचे आभार मानले. सिद्धार्थ आणि तितीक्षा यांनी याआधीही सोशल मीडियावर एकमेकांसोबतचे फोटो पोस्ट केले आहेत. मात्र या वाढदिवसाच्या फोटोंवरील कॅप्शनमुळे या दोघांमध्ये काहीतरी शिजत असल्याची चर्चा सुरू झाली आहे. ‘आयुष्यात सर्वाधिक प्रेम करणाऱ्या लोकांसोबत हा वाढदिवस साजरा केला’, असं तितीक्षाने या पोस्टमध्ये लिहिलं आहे.
तितीक्षाची पोस्ट
’33.. हा परफेक्ट वाढदिवस होता. मी ज्या लोकांवर प्रेम करते त्यांच्यासोबत मिळून हा वाढदिवस साजरा केला आणि जी लोकं माझ्यावर प्रेम करतात, त्यांनी माझ्यावर शुभेच्छांचा वर्षाव केला. यापेक्षा अधिक आणखी काही नको असं जर मी म्हटलं तर ते खोटं ठरेल. कारण मी यापेक्षा अधिक वेळ मागू इच्छिते, जेणेकरून तुम्हा प्रत्येकाच्या मेसेजला मी उत्तर देऊन ते माझ्यासाठी किती महत्त्वाचं आहे हे सांगू शकेन. तुम्हा सर्वांनी माझा दिवस खूप खास केला’, असं तिने लिहिलं आहे.
तितीक्षाने बऱ्याच मालिका आणि काही चित्रपटांमध्येही भूमिका साकारल्या आहेत. क्रिकेटर मिताली राजच्या आयुष्यावर आधारित ‘शाब्बाश मिठू’ या चित्रपटातही तिने महत्त्वपूर्ण भूमिका साकारली होती. सध्या ती ‘सातव्या मुलीची सातवी मुलगी’ या मालिकेतून प्रेक्षकांच्या भेटीला येत आहे. सोशल मीडियावरही ती बऱ्यापैकी सक्रिय असते. तर सिद्धार्थ बोडकेनं ‘तू अशी जवळी राहा’ या मालिकेत काम केलं होतं. त्यानंतर तो अजय देवगण, तब्बू यांच्या ‘दृश्यम 2’ या चित्रपटातही झळकला.
‘दृश्यम 2’ हा चित्रपट प्रदर्शित झाल्यानंतर तितीक्षाने सुशीलसाठी सोशल मीडियावर खास पोस्ट लिहिली होती. ‘यासाठी मी तुला खूप मेहनत घेताना पाहिलं आहे. तू केलेल्या प्रयत्नांना अखेर यश मिळालं आहे. तू चमकलास. तुझ्या लहानातल्या लहान कामगिरीवर मला नेहमीच अभिमान वाटतो आणि तुला मिळालेलं हे काम खूप मोठं आहे. त्यावर कसं व्यक्त व्हावं हेच मला सुचत नाहीये’, अशा शब्दांत तिने भावना व्यक्त केल्या होत्या.
