Sonu Sood : पूरग्रस्तांसाठी सोनू सूदचा पुढाकार, प्रत्येक लहान गावात पोहचणार मदत
सोनू सूद मदतीसाठी पुढे आला आहे. तो काही भागात अडकल्या लोकांना मूलभूत गरजा पूर्ण करण्यासाठी मदत करतो आहे. सोनू चिपळूण, महाड आणि इतर अनेक अंतर्गत भागात मदतीचे पॅकेज पाठवणार आहे. (Sonu Sood's initiative for flood victims, reaching out to every small village)
मुंबई : गेल्या काही दिवसात महाराष्ट्रातील (Maharashtra Flood) अनेक जिल्ह्यांमध्ये पूराने कहर केला होता. याठिकाणी अडकलेल्या लोकांना प्रत्येक जण शक्य होईल तेवढी मदत करताना दिसत आहे. आता सोनू सूद (Sonu Sood) सुद्धा मदतीसाठी पुढे आला आहे. तो काही भागात अडकल्या लोकांना मूलभूत गरजा पूर्ण करण्यासाठी मदत करतो आहे. सोनू चिपळूण, महाड आणि इतर अनेक अंतर्गत भागात मदतीचे पॅकेज पाठवणार आहे.
सोनू सूदनं सांगितला त्याचा प्लॅन
त्याबद्दल बोलताना सोनू सूद म्हणला, ‘ही गावं पुरामुळे खूपच प्रभावित झाली आहेत आणि ती सर्व प्रमुख महामार्गांपासून 20-30 किलोमीटर दूर आहेत. त्यामुळे तिथं मदत साहित्य पोहोचलेलं नाही. आम्ही या गावांच्या सरपंचांशी आधीच बोललो आहोत. मूलभूत गरजा जसे बादल्या, ग्लास, भांडी, चटई, कपडे आणि अगदी खाद्यपदार्थ सर्व पाठवलं जात आहे. कुटुंबांना वैयक्तिकरित्या वितरित करण्यासाठी माझी टीम तिथं असेल.
महामार्गालगत बरीच मदत सामग्री आधीच पोहचली आहे, मात्र आतील गावांना अजूनही आवश्यक गोष्टी मिळत नाहीत. सोनू आणि त्याची टीम या आतील गावांपर्यंत पोहोचण्याचा प्रयत्न करत आहेत. क्षेत्रपाल, रुद्राणी, दोंडाशी आणि इतर अनेक गावांना मदत साहित्य पाठवलं जात आहे. हे मदत साहित्य संपूर्ण प्रदेशातील 1000 हून अधिक घरांना पुरवलं जाईल आणि मदत साहित्याचा दुसरा ट्रक 4 दिवसात गावांमध्ये पोहोचेल.
या गावकऱ्यांना पुरेसे मदत साहित्य वितरित करणं हे मुख्य उद्दिष्ट आहे जेणेकरून ते एवढ्या मोठ्या नैसर्गिक आपत्तीला तोंड देऊन पुन्हा एकदा आपल्या पायावर उभे राहू शकतील. सूद चॅरिटी फाऊंडेशनची टीम प्रत्येक व्यक्तीला मदत करण्यासाठी सर्वतोपरी प्रयत्न करत आहे. या गरजू लोकांची मदत करण्यासाठी आपणही प्रयत्न करू या.
संबंधित बातम्या
Saie Tamhankar: तहे दिल से शुक्रिया… ‘मिमी’तील शमाचे खास फोटो, पाहा सई ताम्हणकरचा हटके अंदाज