अभिषेक बच्चन, ऐश्वर्या राय नंतर सुनील शेट्टी कोर्टात पोहोचला, काय आहे संपूर्ण प्रकरण?
Suniel Shetty : इंडस्ट्रीमध्ये असं काय होण आहे ज्यामुळे सेलिब्रिटी पोहोचतायेत कोर्टात, अनेक सेलिब्रिटींनंतर अभिनेता सुनील शेट्टी पोहोचला कोर्टात, जाणून घ्या काय आहे संपूर्ण प्रकरण?
Suniel Shetty : बॉलिवूडचा दिग्गज अभिनेता सुनील शेट्टी एका प्रकरणामुळे चर्चेत आहे. सुनील शेट्टीने आपल्या व्यक्तिमत्त्वाच्या हक्कांचे संरक्षण करण्यासाठी मुंबई उच्च न्यायालयात धाव घेतली आहे. अभिनेत्याने असा दावा केला आहे की, अनेक सोशल मीडिया पेज आणि वेबसाइट्सवर सुनील शेट्टी आणि अभिनेत्याच्या नातीच्या फोटोंचा वापर कोणत्याही परवानगीशिवाय व्यवसायाचा प्रचार करण्यासाठी करत आहेत.
सुनील शेट्टी याने त्याच्या अंतरिम अर्जात न्यायालयाला विनंती केली आहे की, अशा सर्व वेबसाइटना त्यांचे फोटो तात्काळ काढून टाकण्याचे आदेश द्यावेत आणि भविष्यात त्यांचा वापर करणं थांबवावा. सदर फोटो तात्काळ हटवण्यात यावेत व भविष्यात आपले फोटो वापरण्यावर संबंधित कंपन्यांना बंदी घालावी अशी मागणी याचिकेत करण्यात आली आहे.
View this post on Instagram
न्यायालयाने या याचिकेवरील निकाल राखून ठेवला आहे. याप्रकरणी शुक्रवारी न्यायमूर्ती आरिफ डॉक्टर यांच्या एकलपिठासमोर सुनावणी घेण्यात आली. शेट्टी आणि त्यांच्या नातीच्या बनावट प्रतिमा काही वेबसाइटवर आहेत. त्यामुळे ते तात्काळ हटवण्यात यावे असी मागणी असून न्यायालयाने हा युक्तिवाद ऐकून घेत निकाल राखून ठेवला आहे… आता याप्रकरणी पुढे काय होणार पाहणं महत्त्वाचं ठरणार आहे.
नात इवारा हिचे फेक फोटो
शुक्रवारी न्यायमूर्ती आरिफ डॉक्टर यांच्या अध्यक्षतेखालील खंडपीठाने सुनील शेट्टी यांचे वकील बिरेंद्र सराफ यांनी काही वेबसाइट्सवर सुनील आणि त्यांची नात इवाराचे बनावट फोटो दाखवले, असा युक्तिवाद केल्यानंतर याचिकेवरील निर्णय राखून ठेवला.
सुनील शेट्टी यांची नात
सुनील शेट्टी यांची लेक आणि अभिनेत्री अथिया शेट्टी – क्रिकेटर केएल राहुल यांनी 2023 मध्ये शाही थाटात लग्न केलं. अनेक वर्ष एकमेकांना डेट केल्यानंतर दोघांनी लग्नाचा निर्णय घेतला. दोघांच्या लग्नाचे फोटो देखील तुफान व्हायरल झाले. लग्नानंतर अथिया हिने मुलीला जन्म दिला. तर सुनील शेट्टीच्या नातीचं नाव इवारा असं आहे.
सुनील शेट्टीच्या आधी कोणत्या सेलिब्रिटींनी न्यायालयात धाव घेतली?
एखाद्या बॉलिवूड अभिनेत्याने आपल्या वैयक्तिक आणि प्रसिद्धी हक्कांचे रक्षण करण्यासाठी उच्च न्यायालयात धाव घेण्याची ही पहिलीच वेळ नाही. सुनील शेट्टी याच्याआधी अभिषेक बच्चन, ऐश्वर्या राय बच्चन, करण जोहर, जॅकी श्रॉफ, अनिल कपूर आणि अमिताभ बच्चन यांनी देखील न्यायालयाचा दरवाजा ठोठावला आहे.
