टीना दत्ता हिच्यावर भडकला श्रीजिता डे हिचा होणारा नवरा, वाचा काय घडले?

मुंबई : बिग बाॅसच्या घरात नुकताच कॅप्टनसी टास्क पार पडलाय. आता एमसी, साैंदर्या शर्मा आणि श्रीजिता डे हे घराचे नवे राजा आणि राणी बनले आहेत. बिग बाॅसच्या घरात गेल्या काही दिवसांपासून धमाल सुरू आहे. अब्दु बिग बाॅसच्या बाहेर पडला असून पुन्हा काही दिवसांनंतर तो शोमध्ये येण्याची शक्यता आहे. कॅप्टनसी टास्कमध्ये प्रियंका चाैधरी हिचा खरा चेहरा हा घरातील सदस्यांच्या समोर आला. प्रियंकाने कॅप्टनसी टास्कमध्ये तिची मैत्रिण साैंदर्या शर्मा हिला सपोर्ट न करता थेट विकासला सपोर्ट केला.

बिग बाॅसच्या घराबाहेर टीना दत्तामुळे श्रीजिता डे हिच्या होणाऱ्या नवऱ्याचा चांगलाच पारा चढला आहे. इतकेच नाहीतर त्याने याबद्दल सोशल मीडियावर एक पोस्टही थेट शेअर करून टाकलीये. आता श्रीजिता डे हिच्या होणाऱ्या नवऱ्याची ही पोस्ट सोशल मीडियावर व्हायरल होताना दिसत आहे.

विकास मानकतला आणि टीना दत्ता ही बिग बाॅसच्या घरामध्ये गप्पा मारत बसले होते. यावेळी टीना ही विकास याला सांगते की, श्रीजिता डे मुंबईमध्ये नेमकी कुठे राहते. इतकेच नाहीतर थेट श्रीजिता डे राहात असलेल्या सोसायटीचे नावही टीना सांगून टाकते.

टीना दत्ता हिने श्रीजिता डे हिच्या सोसायटीचा पत्ता सांगितला आणि बिग बाॅसच्या निर्मात्यांनी ते म्यूट ही केले नसल्याने सोशल मीडियावर पोस्ट शेअर करत माइकल ब्लोहम-पेप याने संताप व्यक्त केला. माइकल ब्लोहम-पेप हा श्रीजिता डे हिचा होणारा नवरा आहे.

नुकताच सोशल मीडियावर बिग बाॅसच्या आजच्या एपिसोडचा एक प्रोमो व्हायरल झालाय. या प्रोमोमध्ये नाॅमिनेशन टास्टमध्ये एमसी आणि शालिन भनोट यांच्यामध्ये जोरदार भांडणे झाल्याचे दिसत आहे. आता हा प्रोमो व्हायरल होत आहे.