Influential Muslims: जगातील प्रभावशाली मुस्लिमांच्या यादीत शाहरुख खान-सलमान खान कितव्या स्थानावर?

Influential Muslims: अभिनेता सलमान खान आणि शाहरुख खान फक्त त्यांच्या सिनेमांमुळे नाही तर, संपत्तीमुळे देखील चर्चेत असतात. आता जगातील प्रभावशाली मुस्लिमांच्या यादीत देखील त्यांचं नाव आलं आहे, तर जाणून घ्या बॉलिवूडचे खान कितव्य स्थानावर आहेत.

Influential Muslims: जगातील प्रभावशाली मुस्लिमांच्या यादीत शाहरुख खान-सलमान खान कितव्या स्थानावर?
शाहरुख खान - सलमान खान
| Updated on: Nov 16, 2026 | 12:41 PM

जॉर्डन येथील प्रतिष्ठित संस्था ‘द रॉयल इस्लामिक स्ट्रॅटेजिक स्टडीज सेंटर’ने (RISSC) जगातील 500 सर्वात प्रभावशाली मुस्लिमांची 18 वी वार्षिक आवृत्ती जाहीर केली आहे. सध्या सर्वत्र फक्त आणि फक्त यादीचीच चर्चा सुरु आहे. कारण यंदाच्या वर्षी या यादीमध्ये आमिर खान, शाहरुख खान आणि सलमान खान यांचं देखील नाव आहे. एवढंच नाही तर, यंदाच्या यादीत एक ऐतिहासिक बदल पाहायला मिळाला आहे. पहिल्यांदाच कोणत्याही एका व्यक्तीऐवजी पाच प्रमुख नेत्यांना संयुक्तपणे पहिलं स्थान देण्यात आलं आहे. सौदी अरेबियाचे राजे सलमान बिन अब्दुल अजीज, क्राउन प्रिन्स मोहम्मद बिन सलमान, तुर्कीचे राष्ट्राध्यक्ष रेचेप तैयप एर्दोगान, पाकिस्तानचे पंतप्रधान शहबाज शरीफ आणि पाकिस्तानचे लष्करप्रमुख फील्ड मार्शल आसिम मुनीर यांना संयुक्तपणे पहिल्या स्थानावर ठेवण्यात आले आहे.

रिपोर्टनुसार, सौदी अरेबिया, पाकिस्तान आणि तुर्की यांच्यात झालेला ‘मक्का संयुक्त रक्षा करार’ (Mecca Joint Defense Agreement) आणि मुस्लिम देशांमधील वाढत्या धोरणात्मक सहकार्यामुळे या नेत्यांना एकत्रितपणे अव्वल स्थान देण्यात आले आहे. तर जाणून घ्या यामध्ये कोणत्या नेत्यांची नावं आहेत.

Loading...

टॉप – 10 मधील इतर प्रमुख नावे

संयुक्तपणे पाच जणांना पहिले स्थान मिळाल्यामुळे यंदा यादीत दुसऱ्या आणि तिसऱ्या क्रमांकावर कोणालाही ठेवण्यात आलेलं नाही. चौथ्या स्थानावर इराणचे सर्वोच्च नेते अयातुल्ला मोजतबा खामेनेई, पाचव्या स्थानावर जॉर्डनचे किंग अब्दुल्ला द्वितीय आणि सहाव्या स्थानावर कतारचे अमीर शेख तमीम बिन हमद अल-थानी यांना स्थान मिळालं आहे. याशिवाय पाकिस्तानचे इस्लामी विद्वान मुफ्ती मुहम्मद तकी उस्मानी सातव्या आणि येमेनचे धर्मगुरू अल-हबीब उमर बिन हफीज आठव्या स्थानावर आहेत.

मौलाना मदनी 18 व्या क्रमांकावर, शाहरुख-सलमानची एन्ट्री

या जागतिक यादीत भारतातील तब्बल 22 प्रमुख व्यक्तींनी आपलं स्थान निर्माण केलं आहे. जमीयत उलेमा-ए-हिंदचे राष्ट्रीय अध्यक्ष मौलाना महमूद मदनी यांना जगभरात 18 वे स्थान मिळाले असून, टॉप-50 रँकिंगमध्ये स्थान मिळवणारे ते प्रमुख भारतीय आहेत. सामाजिक, शैक्षणिक आणि सामुदायिक कार्यातील त्यांच्या योगदानाबद्दल त्यांना हे स्थान देण्यात आलं आहे.

मनोरंजन विश्व : बॉलिवूड अभिनेता शाहरुख खान आणि सलमान खान या यादीत नवीन नावे म्हणून जोडले गेले आहेत. त्यांच्यासह आमिर खान, शबाना आझमी आणि संगीतकार ए. आर. रहमान यांचाही समावेश आहे. सोशल मीडियावरील प्रभावाच्या बाबतीत सलमान खान दुसऱ्या आणि शाहरुख खान चौथ्या स्थानावर आहेत.

विज्ञान आणि समाज : नासा (NASA) च्या भौतिकशास्त्रज्ञ डॉ. हाशिमा हसन, उद्योगपती अझीम प्रेमजी, मौलाना अरशद मदनी, मौलाना साद कांधलवी, शेख अबूबकर अहमद, मिरवाइज उमर फारूक आणि बदरुद्दीन अजमल हेसुद्धा या यादीचा भाग आहेत.

कशी तयार होते ही यादी?

सन 2009 पासून दरवर्षी प्रकाशित होणारी हा रिपोर्ट फक्त राजकीय किंवा आर्थिक शक्तीचं मूल्यांकन करत नाही, तर यात धर्म, राजकारण, संस्कृती, विज्ञान, क्रीडा आणि समाजाच्या विविध क्षेत्रांत मुस्लिम समुदायावर सकारात्मक प्रभाव पाडणाऱ्या लोकांच्या योगदानाचं मुल्यमापन केलं जातं.

Loading...
Unable to load recommendations.
Follow Us