पतीची इच्छा असतानाही शेफाली जरीवालचा बाळ न होऊ देण्याचा निर्णय; वाटायची या गोष्टीची भीती

शेफाली जरीवालाचे हृदयविकाराच्या झटक्याने निधन झाले आहे. अभिनेत्रीच्या निधनाने केवळ तिच्या कुटुंबाला आणि चाहत्यांनाच नव्हे तर मनोरंजन क्षेत्रालाही मोठा धक्का बसला आहे. प्रत्येकजण शेफालीची आठवण काढत आहे आणि सोशल मीडियावर तिला श्रद्धांजली वाहत आहे. शेफालीने तिच्या आयुष्यात खूप यश मिळवलं, अनेक अडचणींना तोंड दिलं. पण ती सर्वात जास्त तुटली होती ते तिच्या पहिल्या लग्नाच्या घटस्फोटानंतर.

पहिल्या लग्नापासून तुटलेले हृदय
परागच्या आधी शेफालीचे लग्न गायक हरमीतशी झाले होते. पण त्यांचे नाते लवकरच संपुष्टात आले. शेफालीने सांगितले होते की या लग्नात तिला मानसिक हिंसाचाराचा सामना करावा लागला. शेफाली म्हणाली होती, ‘तुमचा कुठे आदर केला जात नाही हे समजून घेणे खूप महत्वाचे आहे. सर्व प्रकारचा हिंसाचार हा शारीरिक नसतो. मानसिक हिंसाचारामुळे देखील तुम्ही आयुष्यात आनंदी राहू शकत नाही’

यामुळे मला आई होण्याची भीती वाटत होती.
शेफालीने एका मुलाखतीत सांगितले होते की, “लॉकडाऊननंतर सगळं बदललं. मलाही बाळ हवं आहे, पण मला भीती वाटते. कोविडनंतर मला भीती वाटते. त्या काळात मी माझ्या जवळच्या अनेक लोकांना गमावलं आहे, ज्यामुळे मला असं वाटतं की माझा आयुष्यावर विश्वास नाही. मला आता आई होण्याची भीती वाटते, पण पराग तयार आहे. मला वाटतं की तुम्ही पूर्णपणे तयार किंवा आत्मविश्वासू असतानाच बाळाचं नियोजन करावं. फक्त आर्थिकदृष्ट्याच नाही तर मानसिकदृष्ट्याही.”

पालकांनी संघर्ष केला
जेव्हा ‘काँटा लगा’ हे गाणे प्रदर्शित झाले तेव्हा तिची आर्थिक परिस्थिती चांगली नव्हती. शेफालीने एका मुलाखतीत सांगितले की, “माझ्या वडिलांचे खूप आर्थिक नुकसान झाले होते आणि माझी आई बँकेत काम करत होती. मी आणि माझी बहीण शिकत होतो आणि आमच्या कॉलेजची फी खूप जास्त होती. आमच्या पालकांनी आमच्या सर्व गरजा पूर्ण केल्या. मी माझ्या आईला आमच्या कॉलेजची फी भरण्यासाठी तिच्या सोन्याच्या बांगड्या विकताना पाहिले आहे. त्या दिवशी पुन्हा मी विचार केला की मी माझ्या आईला अनेक सोन्याच्या बांगड्या देईन. पैसे खूप महत्वाचे आहेत.”

लोकांना जागरूक करायचे होते
शेफाली लोकांना झटके येतात त्याविषयी जागरूक करू इच्छित होती. ती म्हणाली, “जेव्हा तुम्हाला झटका येतो तेव्हा तुम्ही तुमची जीभ देखील चावता. जेव्हा मला झटका आला तेव्हा मी माझ्या बाल्कनीत उभी होते. मी खाली पडून मरू शकले असते. तुम्हाला कधी झटका येईल हे तुम्हाला कधीच कळत नाही.”

आरोग्याच्या बाबतीत अडचणी आल्या
शेफालीला तिच्या आरोग्याबाबत अनेक अडचणींना तोंड द्यावे लागले, परंतु तिने नेहमीच स्वतःला खंबीर ठेवले. एका मुलाखतीत ती म्हणाली, “मला स्वतःवर अभिमान आहे की आज मी नैराश्य, पॅनिक अटॅक, चिंता आणि तेही स्ट्रॉन्ग सपोर्ट सिस्टममुळे मी हे करू शकले. एवढंच नाही तर ती नेहमीच स्वावलंबन आणि मानसिक आरोग्याच्या महत्त्वाबद्दल बोलत असे.