Omraje Nimbalkar : दोन्ही शिवसेना एकत्र… विलीनीकरणाच्या चर्चांबाबत ओमराजे निंबाळकरांचं मोठं विधान

धाराशिवचे खासदार ओमराजे निंबाळकर यांनी नुकत्याच दिलेल्या एका प्रतिक्रियेत, दोन्ही शिवसेना एकत्र आल्यास महाराष्ट्रातील जनतेचे भले होईल, असे म्हटले आहे. सध्याच्या राजकीय परिस्थितीत शिवसेनेच्या दोन्ही गटांच्या एकत्रीकरणाबाबत राजकीय वर्तुळात चर्चा सुरू असतानाच, निंबाळकर यांचे हे विधान महत्त्वाचे ठरले आहे. ओमराजे निंबाळकर यांनी स्पष्ट केले की, शिवसेना एकत्र येण्याबाबत अंतिम निर्णय पक्षाचे वरिष्ठ नेतेच घेतील. मात्र, दोन्ही गट एकत्र यावेत ही अनेक कार्यकर्त्यांची आंतरिक भावना आहे.

ठाकरे गटातून शिंदे गटातील प्रवेशाबाबत ते म्हणाले की, “विनाकारण कुणीही पक्ष सोडत नसते.” या विधानातून त्यांनी पक्षातील अंतर्गत संघर्षावर अप्रत्यक्षपणे भाष्य केले. निंबाळकर यांनी आपल्या भावना व्यक्त करताना सांगितले की, “आम्हाला तर आनंदच आहे. उलट एका जीवाने, एका ताकदीने शिवसेना एकत्र झाली तर मला वाटते सामान्य माणसाचे त्यात भलेच होईल.” एकसंघ शिवसेना राज्याच्या विकासासाठी अधिक प्रभावीपणे काम करेल आणि सामान्य जनतेच्या हितासाठी ते फायदेशीर ठरेल, असा विश्वास त्यांनी व्यक्त केला.