NCP Merger : सिलसिला बैठकांचा निर्णय विलीनीकरणाचा? पार्थ पवारांची पुन्हा एकदा सिल्व्हर ओकवर बैठक

राष्ट्रवादी काँग्रेसच्या संभाव्य विलीनीकरणाच्या चर्चांना राजकीय वर्तुळात जोर असताना, शरद पवार यांचे नातू पार्थ पवार यांनी पुन्हा एकदा सिल्व्हर ओक येथे शरद पवार यांची भेट घेतली आहे. काल, पार्थ पवार आणि शरद पवार यांच्यात सुमारे दोन तास महत्त्वपूर्ण चर्चा झाली होती. या चर्चेनंतर आज पुन्हा पार्थ पवार सिल्व्हर ओकवर दाखल झाले असून, गेल्या तासाभरापासून ते तेथे उपस्थित आहेत. सध्या सुरू असलेल्या राष्ट्रवादी काँग्रेसच्या विलीनीकरणाच्या पार्श्वभूमीवर, पार्थ पवार आणि शरद पवार यांच्यातील या भेटींना विशेष महत्त्व प्राप्त झाले आहे.

पार्थ पवार हे शरद पवारांच्या भेटीसाठीच सिल्व्हर ओकवर पोहोचले आहेत. राजकीय वर्तुळात या भेटींच्या उद्देशाबाबत विविध चर्चा सुरू आहेत. महाराष्ट्राच्या राजकारणात ही घडामोड अत्यंत महत्त्वाची मानली जात आहे आणि भविष्यातील राजकीय समीकरणांवर याचा परिणाम होण्याची शक्यता वर्तवली जात आहे.