चेहऱ्यावर झटपट चमक आणण्यासाठी टोमॅटोचा असा करा समावेश, 10 दिवसांत दिसेल फरक
जेवण बनवताना प्रत्येक भाज्यांची चव वाढवणारा टोमॅटो तुमच्या त्वचेसाठी वरदानापेक्षा कमी नाही. जर तुम्हालाही तुमच्या चेहऱ्यासाठी वेगवेगळ्या प्रकारच्या स्किन केअर प्रॉडक्टचा वापर करून कंटाळा आला असेल. तर, एकदा टोमॅटोच्या रसात या गोष्टी मिक्स करून फेसपॅक बनवून पहा. हा पॅक तुमची त्वचा चमकदार आणि गुळगुळीत करण्यास मदत करते. चला या बद्दल जाणून घेऊयात...
आपल्यापैकी प्रत्येकालाच आपली त्वचा निर्दोष आणि चमकदार हवी असते. यासाठी बाजारात उपलब्ध असलेल्या सर्वात महागड्या उत्पादनांचाही वापर केला जातो. पण त्यांच्या वापराने बऱ्याचदा चेहरा चमकत नाही. त्यामुळे अनेकांचा कल हा सध्या घरगुती उपायांकडे वळत आहे. अशातच त्वचा चमकदार करण्यासाठी घरगुती उपाय करून पाहणे सर्वात उत्तम आहे. कारण याने कोणतेच दुष्परिणाम त्वचेवर होत नाही. तर यासाठी तुम्ही तुमच्या स्वयंपाकघरातील भाज्यांची चव वाढवणारे टोमॅटोचा स्किन केअर रूटिंगमध्ये समावेश करू शकता. जे तुमच्या त्वचेच्या काळजीचा एक भाग आहे. हे केवळ तुमची त्वचा स्वच्छ करणार नाही तर मुरुम, काळे डाग यासारख्या समस्यांपासून आराम देण्यास देखील मदत करेल. तर या लेखात तुम्ही टोमॅटोला तुमच्या स्किन केअरचा भाग कसा बनवू शकता ते जाणून घेऊया.
खरं तर, टोमॅटोमध्ये भरपूर पोषक तत्वे असतात. त्यात व्हिटॅमिन ए, के, सी, लायकोपीन आणि अँटीऑक्सिडंट्स असतात जे त्वचेची नैसर्गिक चमक टिकवून ठेवण्यास मदत करतात. उन्हाळ्यात ते चेहऱ्यावर लावल्याने टॅनिंगची समस्याही कमी होते.
टोमॅटोने बनवा हे 5 फेस पॅक
टोमॅटो आणि मधाचा फेस पॅक
टोमॅटो आणि मधाचा फेस पॅक बनवण्यासाठी, एका भांड्यात टोमॅटोची प्यूरी घ्या. नंतर त्यात दही, बेसन टाका आणि फेस पॅक बनवा. आता तयार फेसपॅक 15-20 मिनिटे चेहऱ्यावर ठेवा आणि नंतर थंड पाण्याने चेहरा धुवा. यामुळे तुमची त्वचा मऊ होईल आणि तुम्हाला त्वरित चमक देखील मिळेल.
टोमॅटो आणि हळदीचा फेस पॅक
टोमॅटो आणि हळद दोन्ही त्वचा स्वच्छ करण्यास मदत करतात. एका भांड्यात टोमॅटोचा रस काढा आणि त्यात थोडी हळद आणि गुलाबपाणी टाका. नंतर हा फेस पॅक चेहऱ्यावर 10-15 मिनिटे लावा. यामुळे तुमची त्वचा नैसर्गिकरित्या चमकू लागते आणि हळदीमध्ये अँटीबॅक्टेरियल आणि अँटीसेप्टिक गुणधर्म असतात जे तुमच्या चेहऱ्यावरील मुरुमांची समस्या कमी करण्यास मदत करतात.
टोमॅटो आणि कॉफीचा फेस पॅक
टोमॅटो आणि कॉफीचा फेस पॅक बनवण्यासाठी, एका भांड्यात थोडे दही, टोमॅटोचा रस आणि कॉफी पावडर मिक्स करा, यानंतर ते चेहऱ्यावर 15 मिनिटे लावा आणि नंतर चेहरा धुवा. तेलकट त्वचा असलेल्यांसाठी हा फेस पॅक सर्वोत्तम आहे.
टोमॅटो आणि लिंबू त्वचेसाठी वरदान
टोमॅटो आणि लिंबू दोन्हीमध्ये व्हिटॅमिन सी जास्त प्रमाणात असते. त्यामुळे ते त्वचा स्वच्छ आणि नितळ होण्यास मदत होते. यासाठी एका भांड्यात टोमॅटोच्या रसात लिंबाचा रस मिक्स करा आणि तो चेहऱ्यावर 10-15 मिनिटे लावा आणि नंतर चेहरा धुवा. यामुळे तुमची त्वचा चमकदार होईल.
टोमॅटो आणि काकडीचा फेस पॅक
उन्हाळ्यात त्वचेला हायड्रेट ठेवण्यासाठी तुम्ही टोमॅटो आणि काकडीचा वापर करू शकता. यासाठी टोमॅटो आणि काकडीचा रस एकत्र करून चेहऱ्यावर लावा. यामुळे तुमच्या चेहऱ्यावरील टॅनिंग देखील कमी होते.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
