Amazing Facts : हे काय नवल! असा देश जिथं एकाही घरात नाही पाण्याची टाकी; कारण वाचून लावाल डोक्याला हात!

America Amazing Facts : या जगात असे काही देश आहेत, जिथे वेगवेगळे आणि अचंबित करणारे नियम आहेत. यातील काही नियम ऐकल्यास भारतीय लोकांना तर नवलच वाटते. काही देशात तर पायाभूत सुविधांची व्यवस्थाही अतिशय वेगळ्या पद्धतीने करण्यात आलेली असते. ही व्यवस्था समूजन घ्यायची म्हटलं तर आपल्याला बराच वेळ लागू शकतो. काही देशात तर अनेक शहरं ही नियोजनबद्ध पद्धतीने वसवण्यात आलेली आहेत. त्यामुळे तेथील प्रत्येक सुविधेच्या नियोजनामागे एक दूरगामी विचार असतो. दरम्यान, या जगात असाच एक अजब देश आहे, जिथे तुम्हाला एकही पाण्याची टाकी दिसणार आहे. भारतात जवळजवळ प्रत्येक घराच्या छतावर पाण्याची टाकी असते. परंतु या देशात तुम्हाला एकाही घरावर पाण्याची टाकी दिसणार नाही. त्यामागील नेमके कारण समजू घेऊ या…

अनेक मजली इमारतींवर सहज पोहोचते पाणी

अमेरिकेत 24 तास पाण्याचा पुरवठा सुरूच असतो. हे पाणी अतिशय उच्च दाबाने प्रत्येकाच्या घरात पोहोचवले जाते. अमेरिकेत प्रत्येक घरात प्रत्येक नळाला 24 तास पाणी असते. तेथील महापालिकेच्या मोठ्या वॉटर टँकमधून घराघरात येणाऱ्या पाण्याचे प्रेशर जास्त आणि स्टेबल असे असते. आकड्यातच सांगायचे झाल्यास हे प्रेशर 60 पीएसआय एवढे असते. त्यामुळे इमारतींच्या वरच्या मजल्यांवर पाणी पोहोचवण्यासाठी कुठल्याही मोटारची किंवा पंपची गरज नसते.

पाईपलाईन फुटण्याची असते शक्यता

इथे पूर्ण शहरासाठी मोठे सार्वजनिक वॉटर टँक असतात. याच वॉटर टँकच्या मदतीने घरांमध्ये पाणी पाठवले जाते. अमेरिकेत अनेक भागात हिवाळ्यात तापमान खूप कमी असते. त्यामुळे छतावर पाण्याची टाकी असेल तर त्यातील पाणी गोठून जाण्याची शक्यता असते. हे पाणी गोठले तर पाईपलाईन फुटू शकते. अमेरिकेत पाणी कधीच जात नाही. पाणी येण्याची कोणतीही ठराविक वेळ नसते. 24 तास पाणी असते. त्यामुळेच येथे वॉटर टँक ठेवण्याची गरज नसते. पाण्याचा पुरवठा नियमित असल्याने तिथे पाणी साठवणुकीची गरज नसते. त्यामुळेदेखील तथे वॉटर टँक नसतात.