इराण-अमेरिका युद्धात मोठी खळबळ, थेट या देशाच्या राष्ट्राध्यक्षांनी इराणला…
अमेरिका आणि इस्त्रायलने 28 फेब्रुवारी रोजी मोठा हल्ला इराणवर केला आणि त्यानंतर युद्ध पेटले. आज या युद्धाला 17 दिवस पूर्ण झाली आहेत. मात्र, युद्ध काही थांबण्याचे नाव घेत नाही. मोठा हाहाकार जगात सुरू आहे. यादरम्यानच आता फ्रान्सने मोठे विधान केले.
इराण आणि अमेरिकेच्या युद्धात आखाती देश संकटात आहेत. आखाती देशांवर मोठे हल्ले केले जात आहेत. मात्र, इराणकडून स्पष्ट शब्दात सांगण्यात आले की, आम्ही फक्त आखाती देशांमध्ये जिथे जिथे अमेरिकेचे लष्कर तळ आहेत, तिथेच हल्ला करत आहोत, बाकी नाही. इस्त्रायलकडून हे षडयंत्र रचले जात असल्याचाही मोठा दावा इराणकडून करण्यात आला. आखाती देश या युद्धामुळे संकटात आहेत. तुर्कीवरही क्षेपणास्त्रांचा मारा इराणकडून करण्यात आला. तीन क्षेपणास्त्र इराणने तुर्कीवर टाकली. अमेरिकेला वाटले की, या युद्धात तुर्की देखील अमेरिकेच्या बाजूने उतरेल. मात्र, तुर्कीनेही थेट हात वर केले. ज्याने अमेरिकेला धक्का बसला. अमेरिकेच्या बाजूने एकही देश पुढे येताना दिसत नाहीये. यादरम्यान आता फ्रान्सचे अध्यक्ष इमॅन्युएल मॅक्रॉन यांनी इराणचे अध्यक्ष मसूद पेझेश्कियान यांच्याशी फोनवरून संवाद साधला.
सुरूवातीला सांगण्यात आले की, अमेरिकेच्या बाजूने या युद्धात फ्रान्स उतरत असून इराणच्या दिशेने फान्सची युद्धनाैका निघाली आहे. मात्र, फ्रान्सने असेही काहीही घडले नसल्याचे स्पष्ट केले. आता नुकताच फ्रान्सकडून इराणला मोठे आवाहन करण्यात आले. तात्काळ संयुक्त अरब अमिराती, कुवेत, कतार बहरीन यासारख्या देशांवरील हल्ले थांबवण्यास सांगितले आहे.
मॅक्रॉन यांनी इराणला इशारा देत म्हटले की, हल्ले थांबवावीत. कारण तणाव वाढत राहिला तर संपूर्ण प्रदेश अधिक अस्थिर होऊ शकतो. ज्याचे परिणाम दीर्घकाळ राहतील. या युद्धात एकही देश अमेरिकेच्या बाजूने होर्मुज खाडीत उतरत नाहीये. अमेरिकेने चीनसह फान्सलाही आपले सैन्य होर्मुज खाडीत पाठवण्याची विनंती केली. मात्र, अजूनही फ्रान्सने त्याला प्रतिसाद दिला नाही.
फ्रान्सच्या राष्ट्राध्यक्षांनी थेट म्हटले आहे की, प्रदेशातील इतर लोकांप्रमाणेच इराणचे लोकही त्याची किंमत चुकवत आहेत. फ्रान्स अमेरिकेच्या बाजूने या युद्धात मैदानात उतरणार असे सातत्याने सांगितले जात होते. शेवटी फ्रान्सकडून आपली बाजू मांडण्यात आली. इस्त्रायलकडून मोठे हल्ले केले जात असतानाही इराण हार मानताना दिसत नाही. अमेरिकाही इराणवर घातक हल्ले करत आहे.
