Sheikh Hasina : जमीन ते आकाशावर नजर, फायटर जेट्सचा वापर, शेख हसीना यांच्यासाठी भारताचं स्पेशल ऑपरेशन

बांग्लादेशात काल भयानक हिंसाचार झाला. परिस्थिती चिंताजनक बनलेली. पंतप्रधानपदाचा राजीनामा दिल्यानंतर देश सोडण्यासाठी शेख हसीना यांना सैन्याने काही वेळाचा अवधी दिला होता. शेख हसीना यांनी तात्काळ भारतात येण्याचा निर्णय घेतला. बांग्लादेश ते भारत हा शेख हसीना यांचा प्रवास सोपा नव्हता. कारण संपूर्ण बांग्लादेशात हिंसाचार सुरु होता. अराजकतत्व रस्त्यावर होती. परिस्थिती हाताबाहेर होती. कोणाकडे काय शस्त्र आहे? अशावेळी आपला हेतू साध्य कोण काय करेल? याची अजिबात कल्पना नव्हती. त्यामुळे शेख हसीना यांनी बांग्लादेश सोडल्यानंतर पुढचे काही तास महत्त्वाचे होते. शेख हसीना भारतात येत असल्याच समजल्यानंतर सुरक्षा यंत्रणांनी सुद्धा प्रचंड खबरदारी घेतली. भारतीय सुरक्षा यंत्रणा कुठल्याही आपतकालीन परिस्थितीचा सामना करण्यासाठी सज्ज होत्या.

C-130J या अमेरिकन बनावटीच्या ट्रान्सपोर्ट विमानाने शेख हसीना भारतात आल्या. AJAX या विमानाची साईन होती. दुपारी 3 च्या सुमारास भारतीय सीमेजवळ कमी उंचीवरुन हे विमान उड्डाण करताना दिसलं. सूत्रांच्या माहितीनुसार, इंडियन एअर फोर्सने आपले रडार Active केले होते. बांग्लादेशच्या हवाई क्षेत्रावर या रडारची नजर होती. कमी उंचीवरुन उड्डाण करणाऱ्या C-130J या विमानाला भारतात येण्याची परवानगी देण्यात आली. विमानात कोण आहे? ते एअर फोर्सच्या अधिकाऱ्यांना माहित होतं.

राफेल फायटर जेट्सच उड्डाण

C-130J या विमानाला मदत आणि काही तात्काळ गरज पडल्यास सुरक्षा प्रदान करण्यासाठी पश्चिम बंगालच्या हाशिमारा एयरपोर्टवरुन दोन राफेल फायटर जेट्सनी उड्डाण केलं, असं सूत्रांनी सांगितलं. शेख हसीना यांच्या C-130J विमानाबरोबर कुठलाही घातपात होऊ नये, म्हणून यंत्रणांच अत्यंत बारीक लक्ष होतं. इंडियन एअर फोर्सचे प्रमुख वीआर चौधराी आणि आर्मी चीफ जनरल उपेन्द्र द्विवेदी परिस्थितीवर लक्ष ठेऊन होते. इंटेल एजेंसी प्रमुख जनरल द्विवेदी आणि इंटीग्रेटेड डिफेंस स्टाफ प्रमुख लेफ्टिनेंट जनरल जॉनसन फिलिप मॅथ्यू यांची एक बैठक सुद्धा झाली.

डोवाल यांच्याकडून स्वागत

शेख हसीना यांच्या विमानाने संध्याकाळी 5:45 वाजता गाजियाबादच्या हिंडन एयरपोर्टवर लँड केलं. राष्ट्रीय सुरक्षा सल्लागार (एनएसए) अजीत डोभाल यांनी त्यांच स्वागत केलं. शेख हसीना यांच्यासोबत डोवाल यांनी एक तास चर्चा केली. बांग्लादेशातील वर्तमान स्थिती आणि भविष्याबद्दल चर्चा केली. त्यानंतर संध्याकाळी पंतप्रधान नरेंद्र मोदी यांच्या नेतृत्वाखाली कॅबिनेट सुरक्षा समितीची बैठक झाली. त्यात बांग्लादेशातील सगळ्या घटनाक्रमाची माहिती देण्यात आली.