इराण आणि अमेरिका युद्ध थांबणार, या तारखेला होणार घोषणा, थेट..

इस्त्रायल आणि अमेरिकेने मिळून 28 फेब्रुवारी 2026 रोजी मोठा हल्ला इराणवर केला. या हल्ल्यात इराणचे सर्वाेच्च नेते ठार झाले. युद्ध 4 आठवडे चालण्याचा अंदाज डोनाल्ड ट्रम्प यांचा होता. मात्र, त्यांनी विचार केला नाही, अशा भयंकर रूपात इराण दिसला. इराणने या 24 दिवसात अमेरिकेला आणि इस्त्रायलला सळो की पळो करून सोडले. शेवटी 5 दिवसांकरिता अमेरिकेकडून युद्धबंदीची घोषणा करण्यात आली. मात्र, इराणकडून स्पष्ट करण्यात आले की, जोपर्यंत आमच्या मागण्या पूर्ण होणार नाहीत, तोपर्यंत युद्ध बंदी नसणार आहे. 48 तासांचा वेळ अमेरिकेकडून इराणला होर्मुज खाडी खुला करण्याकरिता देण्यात आला होता. मात्र, यानंतर इराणने थेट इशारा देत म्हटले की, अशा धमक्या देत असाल तर होर्मुज खाडी पूर्णपणे बंद करू. यानंतर अमेरिकेने थेट पाच दिवसांची युद्धबंदी जाहीर केली.

यादरम्यानच आता इस्त्रायलच्या अधिकाऱ्याने मोठा दावा केला. इस्त्रायलच्या अधिकाऱ्याने म्हटले की, इराण आणि अमेरिका जे युद्ध सुरू आहे ते 9 एप्रिल 2026 रोजी संपणार आहे. ठरलेल्या प्लॅनिंगनुसार सर्वकाही व्यवस्थित राहिले तर 9 एप्रिलला युद्ध संपेल. मिळालेल्या माहितीनुसार, इराण आणि अमेरिका युद्धाच्या समाप्तीबद्दल पाकिस्तानच्या इस्लामाबाद येथे बैठक होऊ शकते.

रॉयटर्सने असेही वृत्त दिले आहे की, दोन्ही बाजूंमधील चर्चेसाठी इस्लामाबादची निवड केली जाऊ शकते. 9 एप्रिल रोजी युद्ध संपवण्याची तारीख ठरवण्याचे अत्यंत मोठे कारण आहे. 2025 च्या अखेरीस इस्रायलचे पंतप्रधान बेंजामिन नेतान्याहू यांनी अमेरिकेचे राष्ट्राध्यक्ष डोनाल्ड ट्रम्प यांना नोबेल शांतता पुरस्कार न मिळाल्याने एका विशेष सन्मानाने त्यांना गाैरवले जाणार असल्याचे जाहीर केले होते.

9 एप्रिलला युद्ध संपले तर इस्त्रायल साधारणपणे 21 ते 22 एप्रिलदरम्यान देशाचा सर्वोच्च नागरी सन्मान असलेला ‘इस्रायल पुरस्कार’ डोनाल्ड ट्रम्प यांना देणार आहे आणि ती संधी डोनाल्ड ट्रम्प यांना घालवायची नाही. सूत्रांकडून मिळालेल्या माहितीनुसार, 9 एप्रिल रोजीच डोनाल्ड ट्रम्प यांच्याकडून युद्ध समाप्तीबद्दल घोषणा होऊ शकते. मात्र, यादरम्यान प्रश्न तोच निर्माण होतो की, इराणच्या मागण्या अमेरिकेकडून मान्य होणार का? कारण युद्ध थांबवण्याकरिता इराणकडून काही अटी ठेवण्यात आल्या आहेत.