आम्हाला घरी सोडा; अमेरिका-इराण युद्धादरम्यान टीमसोबत अडकलेला हा IPL स्टार, पंतप्रधानांकडे केली मदतीची विनंती
कालपासून इस्त्रायल आणि अमेरिकेने मिळून इराणवर हल्ला केला आहे. या हल्ल्याला उत्तर देत इराणने अनेक ठिकाणी असलेले अमेरिकेचे हवाईस्थळ उद्धवस्त केले आहेत.
आयपीएल खेळलेला एक स्टार क्रिकेटर आपल्या टीमसोबत अमेरिका आणि इस्रायलच्या इराणविरुद्ध सुरु असलेल्या युद्धात अडकला आहे. त्याने याबाबत आपल्या देशाच्या पंतप्रधानांकडून मदतीची मागणी केली आहे. इंग्लंडचा हा स्टार क्रिकेटर आयपीएलमध्येही खेळला आहे. मध्य पूर्वेतील वाढत्या लष्करी तणावाचा परिणाम आता क्रिकेटवरही दिसू लागला आहे. पाकिस्तान शाहीन्स आणि इंग्लंड लायन्स यांच्यातील 1 मार्चचा दुसरा 50 षटकांचा सामना रद्द करण्यात आला आहे.
हा निर्णय क्षेत्रातील बिघडलेल्या सुरक्षा परिस्थितीचा विचार करून घेण्यात आला. त्यानंतर आयपीएल खेळलेल्या जॉनी बेयरस्टो यांनी युनायटेड किंगडमचे पंतप्रधान कीर स्टार्मर यांच्याकडे विनंती केली आहे. जॉनी बेयरस्टो सध्या अबू धाबी (यूएई) येथे इंग्लंड लायन्ससोबत आहेत आणि टीमसाठी कोचिंग/मेंटरिंगची भूमिका बजावत आहेत. जॉनी सध्याच्या परिस्थितीत टीमच्या सुरक्षित परतण्याबाबत चिंतित आहेत. त्यांनी युनायटेड किंगडमचे पंतप्रधान कीर स्टार्मर यांच्याकडे सोशल मीडियावर अपील करताना लिहिले – “क्या आप हमें घर पहुंचा सकते हैं?”
इंग्लंडची ही टीम सध्या अबू धाबीमध्ये मुक्कामी आहे, जिथे गेल्या काही दिवसांत जोरदार स्फोटांच्या आवाज ऐकू आले आहेत. स्थानिक पातळीवर लोकांच्या मोबाइल फोनवर अलर्ट जारी करण्यात आले आहेत, ज्यात संभाव्य मिसाइल धोक्यामुळे सुरक्षित इमारतींमध्ये आश्रय घेण्याची आणि खिडक्यांपासून दूर राहण्याचा सल्ला देण्यात आला आहे.
या घटनाक्रमामुळे खेळाडू आणि सपोर्ट स्टाफमध्ये चिंता वाढली आहे. परिस्थितीचे गांभीर्य लक्षात घेता इंग्लंड अँड वेल्स क्रिकेट बोर्ड (ECB) ने अधिकृत निवेदन जारी करून सांगितले की, टीम आणि स्टाफची सुरक्षा ही सर्वोच्च प्राधान्य आहे. बोर्डने स्पष्ट केले की, ते सुरक्षा तज्ज्ञ आणि सरकारशी सतत संपर्कात आहेत आणि सर्व अधिकृत सल्ल्याचे पालन करत आहेत. याच कारणास्तव पाकिस्तानविरुद्धचा निर्धारित सामना रद्द करण्याचा निर्णय घेण्यात आला. बोर्डने संकेत दिले आहेत की, पुढील कार्यक्रम परिस्थितीच्या पुनरावलोकनानंतरच ठरवला जाईल.
जॉनी बेयरस्टो कोण आहे?
३६ वर्षीय जॉनी आयपीएलमध्ये स्टार राहिले आहेत. त्यांनी ५२ सामन्यांत १६७४ धावा ३४.८७च्या सरासरीने केल्या होत्या. SRH ने त्यांना २०२२ मेगा लिलावापूर्वी रिलीज केले, जिथे पंजाब किंग्सने त्यांना घेतले. पायाच्या दुखापतीमुळे ते आयपीएल २०२३ मध्ये खेळू शकले नव्हते. जॉनी बेयरस्टो यांनी अद्याप अधिकृतपणे आंतरराष्ट्रीय क्रिकेटमधून निवृत्ती जाहीर केलेली नाही, पण २०२४ नंतर ते इंग्लंड टीमबाहेर आहेत आणि टीममध्ये परतण्याचा मार्ग कठीण दिसत आहे. इंग्लंडसाठी त्यांनी १०० कसोटी सामन्यांत ६०४२ धावा, १०७ वनडेत ३८६८ धावा, ८० टी२० आंतरराष्ट्रीय सामन्यांत १६७१ धावा केल्या आहेत.
