भारताच्या या शेजारी देशात जमीन, वीज, पाणी, उपचार, शिक्षण सर्व मोफत; फक्त ही एक अट
भारताच्या शेजारी अनेक देश आहेत जे आपल्या निसर्गाच्या सौंदर्यामुळे प्रसिद्ध आहेत. पण एक देश असा देखील आहे जिथे तुम्हाला घर बांधायचे असेल तर तुम्हाला जमीन फुकट मिळेल, जेवण फुकट मिळेल इतकंच नाही तर वीज आणि शिक्षणही मोफत आहे. उपचार देखील पूर्णपणे मोफत केले जातात. फक्त त्याची आपल्या लोकांसाठी एकच अट असते. महत्त्वाचे म्हणजे तुम्हाला या देशात कोणी भिकारी सापडणार नाही. इथे प्रत्येकासाठी घर आहे. आरोग्य सेवा सर्व नागरिकांना मोफत आहेत. इतर देशात उपचार करण्यासाठी देखील आरोग्य विभाग खर्च देते. या देशाचं नाव आहे भूतान.
भूतानमध्ये प्राथमिक ते उच्च माध्यमिक स्तरापर्यंत शिक्षण मोफत आहे. सरकारी शाळा आणि महाविद्यालयांमध्ये शिक्षण शुल्क आकारले जात नाही. सरकार परदेशात उच्च शिक्षणासाठी शिष्यवृत्ती देखील देते.
भूतानमधील घरगुती वापरासाठी मर्यादित वीज मोफत दिली जाते. शेतकऱ्यांना बियाणे, खते, उपकरणे यावर अनुदान मिळते. भूतानी लोकं पारंपरिक कपडे घालतात. 1970 मध्ये प्रथम येथे परदेशी पर्यटकांना येण्याची परवानगी मिळाली होती.
भूतानमध्ये 1999 पासून प्लास्टिक पिशव्यांवर बंदी आहे. तंबाखू पूर्णपणे बेकायदेशीर आहे. देशाचा 60% भाग जंगलांने व्यापलेला आहे. भूतानने एका तासात 50,000 झाडे लावण्याचा विश्वविक्रम देखील केला होता.
भूतानकडे सैन्य आहे पण त्यांच्याकडे नौदल आणि हवाई दल नाही. याबाबतीत भारत त्यांची काळजी घेतो.
भूतानमध्ये बहुतेक लोकं हे बौद्ध आहेत. येथे शाकाहार सामान्य आहे. भूतानमध्ये महिलांचा खूप आदर केला जातो. येथे जमीन आणि इतर संपत्ती मुलांना नाही तर मुलींना मिळते.
भूतानचा नागरिक परदेशी व्यक्तीशी लग्न करू शकत नाही. फक्त राजा किंवा राजपुत्र आणि राजाच्या घराण्याशी संबंधित लोक याला अपवाद आहेत.
भूतान भारताला जलविद्युत विकते. याशिवाय भूतानमधून लाकूड, सिमेंट, कृषी उत्पादने आणि हस्तकला यांची निर्यात होते.
येथे बहुतेक गोष्टी नैसर्गित पद्धतीनेच पिकवले जातात. रसायनांचा वापर होत नाही.
