पाकिस्तानात लॉकडाऊन? भीक मागण्याची वेळ येताच मोठा निर्णय? आता फक्त 3 दिवस…

जगातील असंख्य देशात केवळ चार दिवसच ऑफिसला जाण्याचं आणि तीन दिवस सुट्टी एन्जॉय करण्याचं कल्चर आहे. आपल्या शेजारच्या पाकिस्तानातही हाच कित्ता गिरवला जाणार आहे. केवळ आपली दिवाळखोरी लपवण्यासाठी पाकिस्तानने हे कल्चर आत्मसात करण्याच्या हालचाली सुरू केल्या असून त्याला ‘स्मार्ट लॉकडाऊन’ असं नाव दिलं आहे. शहबाज शरीफ यांचे सरकार केवळ ऑफिसेससाठी हा निर्णय घेणार नाही, तर बाजारांसाठीही हा निर्णय घेणार आहे. म्हणजे पाकिस्तानात आठवड्यातीन तीन दिवस ऑफिससह मार्केटही बंद राहणार आहेत. कर्मचाऱ्यांची प्रचंड काळजी म्हणून पाक सरकार या प्रस्तावावर विचार करत नाहीये, तर केवळ आणि केवळ पेट्रोल वाचवण्यासाठी हा निर्णय घेण्यात येणार आहे.

वाढत्या पेट्रोलियम किमतीमुळे शहबाज शरीफ सरकारचं कंबरडं मोडलं आहे. त्यामुळे इंधनाची बचत करण्यासाठीच स्मार्ट लॉकडाऊन करण्याचा पाकिस्तानमध्ये विचार सुरू आहे. हा प्रस्ताव मंजूर झाल्यास सरकारी आणि खासगी कार्यालयांच्या कामाचे दिवस कमी केले जाणार आहेत. तर मार्केटही तीन दिवस बंद ठेवण्यात येणार आहे.

पंतप्रधान शहबाज शरीफ यांच्या अध्यक्षतेखाली एक मिटिंग झाली. त्यात पेट्रोलियम प्रोडक्ट्सच्या वाढत्या किंमतीमुळे निर्माण झालेल्या परिस्थितीवर मात करण्यासाठी या बैठकीत चर्चा करण्यात आली. पाकिस्तानी मीडियाने दिलेल्या माहितीनुसार, सरकार ‘पेट्रोलियम स्मार्ट लॉकडाउन’च्या पर्यायाचा विचार करत आहे. याबाबतचा अंतिम निर्णय लवकर घेण्यात येणार आहे.

फक्त चार दिवस

समी टीव्हीच्या माहितीनुसार, सरकारसमोर असलेल्या प्रस्तावानुसार सरकारी आणि खासगी कार्यालये आठवड्यातून चार दिवस सुरू राहतील. शुक्रवार, शनिवार आणि रविवार हे तीन दिवस सुट्टी राहणार आहे. लोकांनी प्रवास करू नये आणि इंधनाची बचत व्हावी हा यामागचा हेतू आहे. तसेच सरकारी कर्मचाऱ्यांना रोटेशन पद्धती लागू करण्याचाही सरकारचा विचार आहे. म्हणजे सर्व कर्मचाऱ्यांना रोज ऑफिसला बोलावण्यापेक्षा गटागटाने ड्युटी लावण्यात येणार आहे.

बाराज फक्त तीन दिवस

केवळ सरकारी कार्यालयाच्या कामकाजाचे दिवस कमी करण्याचा सरकार विचार करत नाहीये, तर आठवड्यातून तीन दिवस बाजार बंद ठेवण्याचाही विचार सुरू आहे. तसेच दुकान आणि बाजारातील कामाचे तासही कमी केले जाणार आहेत. हा प्रस्ताव लागू झाल्यास पाकिस्तानी नागरिकांच्या दैनंदिन व्यवहारांवर मोठा परिणाम होणार आहे.

वाढत्या दराने त्रस्त

दरम्यान पाकिस्तानमध्ये पेट्रोलिय प्रोडक्ट्सच्या किमती गगनाला भिडल्या आहेत. पेट्रोलच्या किमती वाढून 376 पाकिस्तानी रुपये प्रति लिटर झाल्या आहेत. हाय स्पीड डिजेलची किमत 403 रुपये प्रति लिटरहून अधिक आहे. त्यामुळे इंधनाची बचत आणि वाढत्या आर्थिक संकटावर मात करण्याचं पाकिस्तानी सरकारसमोर मोठं आव्हान आहे.