Russia Ukraine War Live : रशिया आणि यूक्रेन यांच्यातील चर्चा स्थगित, उद्या पुन्हा चर्चेला सुरुवात

रशिया आणि यूक्रेन यांच्यातील चर्चा आज देखील कोणत्याही निर्णयाशिवाय संपली. यूक्रेन आणि रशिया यांच्यातील चर्चा उद्या पुन्हा सुरु होईल. बेलारुसच्या सीमेवर तीन वेळा चर्चा निष्फळ ठरली होती. त्यानंतर 10 मार्चला दोन्ही देशात व्हिडीओ कॉन्फरन्सिंगद्वारे चर्चा झाली होती.

रशिया आणि यूक्रेन यांच्यात चर्चा सुरु झाली आहे. रशिया आणि यूक्रेन वादात आता इस्त्राईल मध्यस्थी करणार आहे.

रशियाकडून यूक्रेनवर हल्ले सुरु आहेत. मारियुपोल शहरावर हल्ले करण्यात आले आहेत. मारियुपोलमध्ये 2200 लोक मारले गेले आहेत, अशी माहिती समोर आली आहे.

रशियाने पुन्हा एकदा कीवमधील रहिवासी इमरतीवर हल्ला केला आहे. या हल्ल्यात इमारातीचे मोठे नुकसान झाले असून, एक जण ठार तर तीन जण जखमी झाल्याची माहिती समोर येत आहे.

युक्रेनची राजधानी कीव ताब्यात घेण्याच्या रशियन सैनिकांच्या हालचालींना वेग

रात्रभर कीववर मिसाईल आणि बॉम्बहल्ले

नागरिक दहशतीखाली, बंकरमध्ये घेतला आश्रय

कीवमध्ये रेड अलर्ट, युद्धाचे सायरन सुरूच

रशियाचे राष्ट्राध्यक्ष पुतीन यांची मुलगी फ्रान्समध्ये वास्तव्यास आहे. युक्रेन रशिया युद्धाच्या पार्श्वभूमीवर काही अज्ञात व्यक्तींनी पुतीन यांच्या मुलीच्या घरात प्रवेश केला व त्यांनी युक्रेनमधून फान्समध्ये आलेल्या शर्णार्थींना घरात आश्रय देण्याची मागणी केली.

रशियाकडून पोलंडच्या सीमेजवळील यव्होरीव्ह येथील इंटरनॅशनल सेंटर फॉर पीसकीपिंग अँड सिक्युरिटीवर हल्ला करण्यात आला आहे. या हल्ल्याचा अमेरिकेने निषेध केला असून, रशियाने ही क्रुरता थांबवावी असे म्हटले आहे.

युक्रेनच्या खारकीव शहरात रशियाकडून बॉम्ब हल्ले, मानवी वस्तीत बॉम्बस्फोट

रशिया, युक्रेन युद्धाबाबत अमेरिकेचे राष्ट्राध्यक्ष जो बायडन आणि फ्रान्सचे अध्यक्ष इमॅन्युएल मॅक्रॉन यांच्यामध्ये चर्चा झाली असून, यावेळी दोनही नेत्यांनी रशियाचा निषेध केला. त्याचबरोबर युक्रेनला पाठिंबा असल्याचे देखील त्यांनी यावेळी सांगितले, अशी माहिती व्हाईट हाऊसकडून देण्यात आली आहे.

रशियन सैनिकांचे युक्रेनमध्ये हवाई हल्ले सुरूच

19 शहरांमध्ये रेड अलर्ट

युक्रेन सैनिकांचे रशियन सैनिकांना प्रत्युत्तर