Russia Ukraine War Live : रशियाच्या हल्ल्यात युक्रेनमधील अनेक शहरं बेचिराख, पाहा शहरांची अवस्था

युक्रेनबरोबर सुरू असलेल्या युद्धादरम्यान आज यूएनजीएने रशियाचा निषेध करणारा ठराव मंजूर केला आहे. रशियाच्या विरोधात 141 मते पडली तर समर्थनार्थ फक्त 5 मते पडली. त्याच वेळी, 35 देशांनी यात भाग घेतला नाही.

रशिया आणि युक्रेन यांच्यातील संघर्षाच्या दरम्यान, डोनेस्तक प्रदेशातील होर्लिव्हका आणि यासिनुवाता येथील निवासी भागात बॉम्ब आणि गोळीबाराने केलेले नुकसान

युक्रेनमध्ये अडकलेल्या भारतीय नागरिकांना घेऊन एक विशेष विमान दिल्लीत पोहोचले, केंद्रीय मंत्री जी. किशन रेड्डी यांनी विमानतळावर त्यांचे स्वागत केले.

A special flight carrying Indian nationals stranded in Ukraine reached Delhi, Union Minister G Kishan Reddy welcomed them at the airport #OperationGanga pic.twitter.com/UY7awHYSiv

— ANI (@ANI) March 2, 2022

युक्रेन सोडून जाणाऱ्या भारतीयांच्या संख्येत मोठी वाढ झाली आहे. आमचा अंदाज आहे की आमचा सल्ला जारी झाल्यापासून जवळपास 17,000 भारतीय नागरिकांनी युक्रेनच्या सीमा सोडल्या आहेत: अरिंदम बागची, MEA प्रवक्ते

रशियाने दिलेल्या अलर्टनंतर खारकीव सोडण्याचे आवाहन

पंतप्रधान नरेंद्र मोदी आज रात्री 8:30 वाजता युक्रेन मुद्द्यावर एका उच्चस्तरीय बैठक घेणार आहेत.

सुमारे 800 भारतीयांसह चार विमानं आज रात्री 1.30 ते उद्या सकाळी 8 च्या दरम्यान हिंडन एअरबेसवर उतरतील: सरकारी अधिकारी

युक्रेनसोबत सुरू असलेल्या युद्धादरम्यान रशियन सैनिकाचे मोठे वक्तव्य समोर आले आहे. त्यांनी म्हटले आहे की, राष्ट्राध्यक्ष पुतिन यांना युक्रेन 3 दिवसात जिंकायचे होते. दरम्यान, युक्रेनच्या लोकांनी रशियन सैनिकाला मदत केली आणि कुटुंबीयांनाही बोलायला लावल्याची बातमी आहे. युक्रेनियन लोकांनी रशियन सैनिकाला चहा आणि जेवण दिले.

युक्रेनमधील खार्किव येथे राहणाऱ्या भारतीय नागरिकांसाठी एक नवीन अॅडव्हायजरी जारी करण्यात आली आहे. येथे राहणाऱ्या भारतीय नागरिकांना तातडीने शहर सोडण्याचा सल्ला देण्यात आला आहे..

रशिया युक्रेनचे अध्यक्ष झेलेन्स्की यांना हटवण्याच्या तयारीत आहे. राष्ट्राध्यक्ष पुतिन यांना त्यांचे जवळचे मित्र व्हिक्टर यानुकोविच हे युक्रेनचे राष्ट्राध्यक्ष बनवायचे आहेत. व्हिक्टर यानुकोविच बेलारूसमध्ये असल्याचे सांगण्यात येत आहे.

युक्रेन रशिया युद्धाचा भारतावर मोठा परिणाम

क्रूड ऑइलच्या किमती प्रचंड वाढल्या

भारतीय अर्थव्यवस्थेवर होणार मोठा परिणाम

दोन्ही देशांमधून आयात होणाऱ्या वस्तू बंद होणार

अर्थतज्ज्ञांच्या मते देशात महागाई उच्चांक गाठणार

रशिया- युक्रेनच्या युद्धाची झळ आपल्यालाही बसण्यास सुरुवात…

खाद्यतेल भाव वाढीमुळे सर्वसामान्यांचे बजेट कोलमडले..

खाद्यतेलाचे भाव भडकले, चार दिवसांत २० रुपये पेक्षा जास्त वाढ…

रोजचे जेवण महागणार…

सरेंडर करा अन्यथा Konotop शहरावर हल्ला करु आणि बर्बाद करु, अशी धमकी रशियानं दिल्याचा आरोप शहराच्या महापौरांनी केला आहे.

रशिया आणि युक्रेनमध्ये गेल्या सात दिवसांपासून युद्ध सुरू आहे. या युद्धादरम्यान आतापर्यंत रशियाचे सहा हजार सैनिक मारल्याचा दावा युक्रेनचे राष्ट्राध्यक्ष व्लोदिमीर झेलन्स्कि यांनी केला आहे. याबाबत रॉयटर्स वृत्तसंस्थेने वृत्त दिले आहे.

गेल्या आठवड्याभरापासून रशिया आणि युक्रेनमध्ये युद्ध सुरू आहे. अचानक युद्ध सुरू झाल्यामुळे हजारो भारतीय विद्यार्थी युक्रेनमध्ये अडकले होते. त्यांना काढण्यासाठी ऑपरेशन गंगातंर्गत युद्ध पातळीवर प्रयत्न सुरू आहेत. दरम्यान सध्या जे घडते आहे ते सर्व अनिश्चित असून, भयानक असे आहे. आम्ही युक्रेनमध्ये अडकलेल्या विद्यार्थ्यांच्या संपर्कात आहोत. ज्या विद्यार्थ्याचा हल्ल्यामध्ये मृत्यू झाला आहे, त्यांच्या कुटुंबीयांच्या दु:खात आम्ही सहभागी असल्याचे भारतातील डच राजदूत मार्टेन बर्ग यांनी म्हटले आहे.

खारकीव मेडीकल सेंटरवर एअरस्ट्राईक

रशियन आर्मीकडून एअर स्ट्राईक

एअर स्ट्राईकमध्ये मेडीकल सेंटरचे मोठे नुकसान

रशिया आणि युक्रेनमध्ये गेल्या आठ दिवसांपासून युद्ध सुरू आहे. रशियाकडून युक्रेनवर जोरदार हल्ले करण्यात येत आहेत. या युद्धात आतापर्यंत युक्रेनचे मोठे नुकसान झाले आहे. मात्र आता युद्धात युक्रेन देखील मागे राहिले नाही. युक्रेन देखील रशियाला चोख प्रत्युत्तर देत असल्याचे पहायला मिळत आहे. युक्रेनच्या एका शहरात घुसण्याचा प्रयत्न करणाऱ्या रशियन सैन्याच्या ताफ्यावर युक्रेन सैनिकांनी हल्ला केला आहे. या हल्ल्यात रशियाचे अनेक सैनिक गंभीर जखमी झाल्यचे वृत्त समोर येत आहे. रशियाकडून युक्रेनच्या कीव आणि खारिकव या दोन शहरांना लक्ष करण्यात येत आहे.

स्टेट ऑफ द युनियनच्या भाषणादरम्यान अमेरिकेचे अध्यक्ष जो बायडन यांनी युक्रेनचे कौतुक केले आहे. युक्रेनियन नागरिक मोठ्या धैर्याने आपल्यावर आलेल्या संकटाचा सामना करत असल्याचे त्यांनी म्हटले आहे. तसचे येणाऱ्या काळात रशियाला याची मोठी किंमत चुकावी लागणार असल्याचे देखील त्यांनी म्हटले आहे.

अमेरिकेने रशियासाठी आपली हवाई हद्द बंद केली आहे. अमेरिका युक्रेनच्या पाठीमागे ठाम उभा आहे. नाटो देशांच्या संरक्षणासाठी आम्ही वचनबद्ध आहोत. आम्ही रशियावर अनेक निर्बंध घातले आहेत. येणाऱ्या काळात देखील निर्बंध घालणार आहोत. मात्र आम्ही युद्धात सहभागी होणार नसल्याचे बायडन यांनी म्हटले आहे.

रशिया युक्रेनवर हल्ला करू शकते, रशियाचे राष्ट्राध्यक्ष पुतीन रणगाड्यांच्या जोरावर युक्रेन जिंकू शकतात. मात्र ते तेथील लोकांचे मने कधीही जिंकू शकणार नाहीत. पुतीन यांना युक्रेनियन नागरिकांचे कधीही समर्थ मिळणार नसल्याचे अमेरिकेचे राष्ट्राध्यक्ष जो बायडन यांनी म्हटले आहे.

कोरोच्या संकटातही अमेरिकेच्या अर्थव्यवस्थेची ग्रोथ चांगली राहिली. गेल्या वर्षी अमेरिकेत तब्बल सहा कोटी पन्नास लाख नवे रोजगार उपलब्ध केले – बायडन

नाटोकडून लवकरच एक टास्क फोर्स निर्माण करण्यात येईल, जी युरोपीयन देशामध्ये असलेली रशियाची मालमत्ता जप्त करेल, तसेच रशियन विमान उड्डाणांसाठी अमेरिकन हवाई क्षेत्र बंद करण्यात येणार असल्याचा इशारा देखील जो बायडन यांनी दिला आहे.

अमेरिका आणि आमचे सहयोगी देश ‘नाटो’ युक्रेनच्या भूभागाचे रक्षण करतील. युक्रेन मोठ्या हिमतीने रशियाला तोंड देत आहे. रशियाला कदाचित आज युद्धभूमीवर विजय मिळू शकतो. मात्र याचे दीर्घकालीन परिणाम रशियाला भोगावे लागतील असे अमेरिकेचे राष्ट्राध्यक्ष बायडन यांनी म्हटले आहे.

गेल्या आठवडाभरापासून रशिया आणि युक्रेनमध्ये युद्ध सुरू आहे. आंतरराष्ट्रीय दबाव झुगारून रशियाचे युक्रेनवर हल्ले सुरूच आहे. आता या पार्श्वभूमीवर अमेरिकेकडून रशियाला निर्वानीचा इशारा देण्यात आला आहे.  अमेरिका युक्रेनसोबत आहे. रशियाला या हल्ल्यांची किंमत चुकवावी लागेल असे अमेरिकेचे राष्ट्राध्यक्ष बायडन यांनी म्हटले आहे.

हवाई वाहतूक मंत्री ज्योतिरादित्य शिंदे हे रोमानियात पोहोचलेत. ऑपरेशन गंगानं आता गती पकडलीय. यूक्रेनमध्ये अडकलेल्या विद्यार्थ्यांना मायदेशी आणण्यासाठी जे ऑपरेशन राबवलं जातंय त्याला ऑपरेशन गंगा नाव देण्यात आलंय. त्याच अंतर्गत शिंदे हे रोमानियात आहेत. त्यांनी भारताच्या राजदुतांसोबत एअरपोर्टवरच मिटींग केली.

रशियात विक्री होणारे सर्व प्रोडक्ट तात्पुरते रोखल्याचं अॅपल कंपनीनं म्हटलंय. रशियाच्याविरोधात अमेरीका, यूरोपनं जे आर्थिक निर्बंध लादलेत, त्याचाच हा एक भाग आहे.

भारतीय विद्यार्थ्यांना रोमानियातून परत आणण्यासाठी इंडियन एअरफोर्सचं सी -17 एअरक्राफ्ट रवाना झालंय. हिंडन एअरबेसवरुन विमान रवाना. पहाटे विमानानं उड्डान भरलं.

रशिया आणि युक्रेनमध्ये गेल्या आठवड्यापासून युद्ध चालू आहे. अमेरिकेने वारंवार इशारा देऊन देखील रशियाने युक्रेनवरील हल्ले चालूनच ठेवले आहेत. त्यामुळे आता रशियावर आर्थिक निर्बंध लादल्यानंतर अमेरिका रशियन विमानांना आपल्या हद्दीत प्रवेश बंदी करणार असल्याची माहिती समोर येत आहे.