इराणचे नवे सर्वाेच्च नेते मोजतबा खामेनेई यांचा मृत्यू? थेट डोनाल्ड ट्रम्प यांचे विधान, म्हणाले, ते…

Mojtaba Khamenei

इराण आणि अमेरिका युद्धाचा आज 16 वा दिवस आहे. 28 फेब्रुवारी 2026 रोजी इस्त्रायल आणि अमेरिकेने संयुक्तपणे इराणवर भीषण हल्ला केला आणि युद्धाला सुरूवात केली. त्यानंतर एका मागून एक इराणकडूनही ज्या देशामध्ये अमेरिकेचे लष्कर तळ आहेत, तिथे मोठे हल्ले करण्यात आले. हेच नाही तर अमेरिकन दूवातासालाही टार्गेट करण्यात आले. अमेरिकेच्या हल्ल्यात थेट इराणच्या सर्वाेच्च नेता ठार झाल्यानंतर इराण अधिकच घातक बनला. आखाती देशांची सुरक्षा देखील या युद्धात धोक्यात आली. होर्मुज सागरीमार्ग इराणकडून बंद करण्यात आल्याने मोठा हाहाकार उडाला असून थेट कच्च्या तेलांचा किमती वाढताना दिसत आहेत. इराण आणि अमेरिका युद्धाचा परिणाम जगातील अनेक देशांवर होत आहे. भारतात एलपीजी गॅसचा मोठा तुटवडा असून थेट हॉटेल बंद करण्याची नामुष्की आली. हजारो लोकांच्या हातून काम केले.

दुसरीकडे अनेक देशांमध्ये पुढील दोन ते तीन दिवस पुरेल इतकाच अन्नसाठा शिल्लक आहे. इराणकडून यादरम्यान सर्वाेच्च नेते मोजतबा खामेनेई यांच्या नावाची घोषणा करण्यात आले. मात्र, अमेरिकेने केलेल्या 28 तारखेच्या हल्ल्यात मोजतबा खामेनेई जखमी झाले होते, त्यांच्या पायाला दुखापत झाली. सर्वाेच्च नेते म्हणून पदभार स्विकारल्यानंतर इराणी जनतेसाठी त्यांनी खास संदेश दिला.

होर्मुज सामुद्रधुनी बंद बदलही त्यांनी मोठे विधान केले आणि इराण हे युद्ध लढणार असल्याचे त्यांनी जाहीर केले. मात्र, गेल्या काही दिवसांपासून मोजतबा खामेनेई यांच्या आरोग्याबाबत विविध चर्चा केल्या जात आहेत. मोजतबा खामेनेई यांचा एक पाय कापला असून ते कोमात असल्याचा दावाही करण्यात आला.

अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा इराणचे नवे सर्वोच्च नेते मोजतबा खामेनेई यांच्या तब्येतीबद्दल मोठे विधान केले. डोनाल्ड ट्रम्प यांनी म्हटले की, मोजतबा खामेनेई जिवंत आहे की नाही हे माहिती नाही. कारण त्यांना आतापर्यंत कुणीही दाखवले नाही. मला असे ऐकायला मिळत आहे की, तो जिवंतच नाही. जर तो जिवंत असेल तर त्याने आपल्या देशासाठी काम करावे आणि आत्मसमर्पण करावे. मोजतबा खामेनेई याच्या मृत्यूची बातमी सध्यातरी अफवा आहे.