ज्या थैलीतून ऑनलाइन सामान येतं, ती आतून काळी का असते? खरं कारण ऐकून व्हाल हैराण
ऑनलाइन शॉपिंगच्या डिलिव्हरी बॅग्स आतून काळ्या का असतात? यामागे अनेक महत्त्वपूर्ण कारणे आहेत. गोपनीयतेसाठी आतील काळा रंग वस्तू दिसायला देत नाही. तसेच, सूर्यप्रकाशापासून औषधे, सौंदर्यप्रसाधने सुरक्षित ठेवतो.
ऑनलाइन शॉपिंगची क्रेझ आता घराघरात पोहोचली आहे. प्रत्येकजण आता उठसूट ऑनलाइन खरेदी करत आहे. पुस्तकांपासून कपड्यांपर्यंत आणि खाण्याच्या वस्तूंपर्यंत सर्व काही ऑनलाइन मागवलं जात आहे. एका कॉर्टुनमध्ये हे ऑनलाइन सामान पॅक करून येतं. किंवा एका खास प्लास्टिकच्या बॅगेत हे सामान येतं. काही प्लॅटफॉर्म्सनी ब्राऊन रंगाच्या बॅगेतही सामान पाठवायला सुरुवात केली आहे. पण बऱ्याच प्लॅटफॉर्मवर सफेद रंगाच्या प्लास्टिक बॅगेत सामान मिळते. ज्या सफेद बॅगेतून सामान येतं त्या आतून काळ्या असतात हे तुम्ही कधी पाहिलं का? या काळ्या रंगाच्या मागचं रहस्य काय आहे?
पांढऱ्या बॅगेच्या आतील काळ्या रंगाचं रहस्य जाणून घेण्यापूर्वी या बॅगेची कहाणी जाणून घ्या. ऑनलाइन कुरिअर करण्यात येणाऱ्या या पॅकेट्सला कुरिअर बॅग किंवा पॉलिमेलर्स म्हटलं जातं. तांत्रिक भाषेत या बॅगेला को-एक्सट्रूडेड पॉलिथीन बॅग म्हटलं जातं. इतर सामान्य पिशव्यांपेक्षा या बॅगेची प्लास्टिक क्वॉलिटी वेगळी असते. हात लावल्याबरोबर ती समजून येते. क्वालिटीमध्ये नॉर्मल प्लास्टिक बॅग चांगल्या असतात. आता या काळ्या रंगांचं गूढ समजून घेऊ.
या प्लास्टिक बॅगेत काळा रंग असण्याची अनेक कारणं आहेत. प्रायव्हेसीच्या कारणास्तवही हा काळा रंग असतो. काळ्या रंगामुळे ही थैली अपारदर्शी होते. म्हणजे आतलं काही दिसत नाही. त्यामुळे तुम्ही काय मागवलं त्याची गोपनीयता राहते.
दुसरं महत्त्वाचं कारण म्हणजे सनलाइट प्रोटेक्शन. काही वस्तू जशा की औषधे, कॉस्मेटिक्स वा खास केमिकल्स आदी प्रखर उजेड वा उन्हात खराब होऊ शकतात. आतील काळ्या रंगामुळे सूर्य किरणे ब्लॉक केली जातात. त्यामुळे आतील सामान सुरक्षित राहते.
सूर्यप्रकाशापासून वाचण्यासाठी काही खास दूध पॉकेट आतून काळ्या रंगाचे असतात. ज्या दूधाच्या पिशव्या आतून काळ्या असतात त्यातील दूध दीर्घकाळ टिकतं. खराब होत नाही. या बॅग प्लास्टिकच्या लेअरने बनवलेल्या असतात. आतील काळी लेअर अधिक मजबूत बनवली जाते. त्यामुळे त्या रस्त्यात फाटत नाहीत.
रिसाइकल हेही एक कारण
एक पॉलिबॅग बनवण्यासाठी LDPE/LLDPE सारख्या प्लास्टिक सोबत अनेकवेळा रिसाइकिल्ड प्लास्टिक मिसळलं जातं. वेगवेगळ्या रंगात जुने प्लास्टिक मिसळल्याने रंग एक सारखा आणि आकर्षक बनवणे कठिण होतं. त्यामुळे काळा रंग सोपा पर्याय आहे. त्यामुळे रिसायकलिंगमध्ये येणाऱ्या प्लास्टिकवर आधीचा रंग, प्रिंट वा हलके डाग येऊ शकतात. काळा रंग हे डाग सहज झाकोळून टाकतो.
