PHOTO : लवकरच हवेत उडणारी कार लाँच होणार
आता जगात हवेत उडणारी कार लवकरच लाँच होणार आहे. जपानची इलेक्ट्रॉनिक्स कंपनी एनईसी कॉर्प (NEC) ने सोमवारी आपल्या फ्लायिंग कारची झलक दाखवली.
टेस्टिंग दरम्यान ही कार एक मिनिटपर्यंत हवेत एकाच जागेवर राहिली आणि 3 मीटर (10 फूट) एवढ्या उंचावर हवेत उडाली होती. याचे परिक्षण एनईसीच्या यूनिटमध्ये करण्यात आले.
कार ड्रोनसारखी एक मोठी मशीन दिसते. ज्यामध्ये चार पंखे लावलेले आहेत. या कारचे परिक्षण अशा ठिकाणी करण्यात आले ज्या ठिकाणी चारही बाजूने जाळं लावण्यात आले होते.
हवेत उडवणारी कार तयार करण्यामध्ये जपान जागतिक पातळीवर मोठं यश मिळवू शकतो. कारण सरकार आणि प्रायव्हेट सेक्टरमिळून यावर आणखी चांगले काम करण्याचा प्रयत्न केला जात आहे.
एअर कार लाँच होण्यापूर्वीच या कारबद्दल लोकांच्या मनात उस्तुकता वाढली आहे.
याशिवाय दुबई पोलिसांनाही हवेत उडणारी बाईक देण्यात आली आहे, अशी माहिती सुद्धा यापूर्वी देण्यात आली होती.
जगात अशा प्रकारचे अनेक प्रयोग केले जात आहेत. काहीदिवसांपूर्वी उबेर कंपनीनेही हवेत उडणारी एअर टॅक्सी सुरु करणार असल्याचे बोललं होते.