कोरोनाचा वाढता कहर, माणसांपाठोपाठ आता पाळीव कुत्र्यालाही लागण

हाँगकाँग : कोरोना व्हायरसने संपूर्ण जगभरात भीतीचे वातावरण निर्माण केले (Corona virus affects Dog) आहे. चीनमधून आता बाहेरच्याही अनेक देशात हा आजार पसरला आहे. त्यामुळे आतापर्यंत अनेकांचा मृत्यू झाला आहे. इटलीमध्ये कोरोना व्हायरस 100 लोकांपेक्षा अधिकांना झाला आहे. यादरम्यान हाँगकाँगमध्ये एका पाळीव कुत्र्यालाही कोरोनाची (Corona virus affects Dog) लागण झाली आहे.

हाँगकाँगमध्ये एका 60 वर्षीय महिलेच्या कुत्र्यालाही कोरोना झाल्याचे सिद्ध झाले आहे. माणसांनंतर प्राण्यांमध्ये कोरोना झाल्याची ही पहिलीच घटना आहे.

हाँगकाँगमध्ये एका महिलेला कोरोना झाला. त्यामुळे तिच्या कुत्र्यालाही कोरोना झाला. या कुत्र्याला तेथील एका पशू केंद्रात वेगळ ठेवले जात आहे. त्याच्यावर सध्या उपचार सुरु आहेत, अशी माहिती मिळत आहे.

“एका पामेरियन कुत्र्याची कोरोनापासून अनेक गोष्टींची तपासणी कलेी. या तपासणीत कुत्र्याला कोरोना झाल्याचे स्पष्ट झाले आहे. वर्ल्ड ऑर्गनायझेशन अॅनिमल हेल्थने यी कुत्र्याला आपल्याकड ठेवले आहे”, असं अॅग्रीकल्चर फिशरी कंजर्वेशन डिपार्टमेंटने सांगितले.

ही घटना समोर आल्यानंतर हाँगकाँगमध्ये कुत्र्यानाही वेगळे ठेवले जात आहे. पामेरियन ब्रिडच्या सर्व कुत्र्यांची सतत तपासणी केली जात आहे. या कुत्र्यांची तपासणी झाल्यानंतर निगेटिव्ह रिझल्ट आल्यास त्यांना त्यांच्या मालकांकडे सोपवले जाईल. हाँगकाँगमध्ये आतापर्यंत 104 लोकांना कोरोनाची लागण झाली आहे.

जगभरात कोरोनामुळे 3100 लोकांचा मृत्यू

चीनच्या वुहानमधून सुरु झालेला कोरोना जगभरातील 60 पेक्षा अधिक देशात पसरला आहे. जगभरात आतापर्यंत 3100 लोकांचा मृत्यू झाला आहे. तर 90 हजार लोकांना याची लागण झाली आहे. भारतात कोरोनाचे 26 पॉझिटिव्ह रुग्ण आढळले आहेत. तर अमेरिकेत कोरोनामुळे आतापर्यंत 9 लोकांचा मृत्यू झाला आहे.