Police Commemoration Day : पोलीस स्मृतिदिन, अमित शाह, उद्धव ठाकरेंकडून शहीद पोलिसांना श्रद्धांजली
संपूर्ण देशभरात हा दिवस पोलीस स्मृतीदिन म्हणून पाळला जातो. या दिवशी शहीद पोलिसांनी श्रद्धांजली वाहिली जाते. (Police Commemoration Day 2020)
- भारतीय सैन्यातील जवानांप्रमाणेच कर्तव्य बजावताना देशातील पोलिसांनी केलेल्या बलिदानाचं स्मरण करणारा दिवस म्हणजे 21 ऑक्टोबर.
- संपूर्ण देशभरात हा दिवस पोलीस स्मृतिदिन म्हणून पाळला जातो. या दिवशी शहीद पोलिसांना श्रद्धांजली वाहिली जाते.
- या निमित्ताने देशाचे गृहमंत्री अमित शाह यांनी नवी दिल्लीतील राष्ट्रीय पोलीस स्मारकात शहीद पोलिसांना श्रद्धांजली वाहिली.
- तर महाराष्ट्राचे मुख्यमंत्री उद्धव ठाकरे यांच्या प्रमुख उपस्थितीत मुंबईतील नायगाव येथे पोलीस स्मृतिदिन समारंभ पार पडला.
- यावेळी देशासाठी धारातीर्थी पडलेल्या पोलिसांना श्रद्धांजली अर्पण करण्यात आली.
- यानिमित्ताने पोलिस स्मृतिदिन संचलन समारंभ देखील पार पडला. प्रारंभी मुख्यमंत्र्यांनी हुतात्मा स्मारकास पुष्पचक्र अर्पण केले.
- यावेळी गृहमंत्री अनिल देशमुख, गृह राज्यमंत्री (शहर) सतेज पाटील, गृह राज्यमंत्री (ग्रामीण) शंभूराज देसाई उपस्थित होते.
- यावेळी मुख्यमंत्र्यांनी विविध पोलिस दलांमधील 26 पोलीस अधिकारी आणि 240 पोलीस अंमलदारांना आपले कर्तव्य बजावतांना वीरगती प्राप्त झाल्याबद्धल श्रद्धांजली वाहिली आणि या वीरश्रेष्ठांच्या पवित्र स्मृतींना विनम्र अभिवादन केले.
- आपल्या देशाला सुरक्षित ठेवण्यासाठी शेवटच्या श्वासापर्यंत लढा देणाऱ्या या महान हुतात्म्यांना मी नमन करतो. मातृभूमीबद्दलची त्यांची ही बांधिलकी प्रत्येक भारतीयाला प्रेरणा देते, असे मत अमित शाह यांनी व्यक्त केले.
- आपल्या पोलीस कर्मचार्यांच्या विशिष्ट सेवा आणि त्यांच्या अतुलनीय धैर्याबद्दल मला अभिमान आहे, असेही अमित शाह यावेळी म्हणाले.
Follow Us
