यंदाही अयोध्येत दीपोत्सव साजरा केला जाणार आहे. अयोध्येत 5 लाख 51 हजार दिवे प्रज्वलित करण्यात येणार आहे. (Ayodhya Diwali Festival Deepotsav 2020 )
Follow us on
दरवर्षीप्रमाणे यंदाही अयोध्येत दीपोत्सव साजरा केला जाणार आहे. आज अयोध्येत 5 लाख 51 हजार दिवे प्रज्वलित करण्यात येणार आहे. विशेष म्हणजे यामुळे अयोध्या पुन्हा एकदा स्वत: केलेला रेकॉर्ड पुन्हा मोडणार आहे.
दिवाळीच्या निमित्ताने धनत्रयोदशीदिवशी अयोध्येतील शरयू नदीच्या तीरावर आरतीचे आयोजन करण्यात आले आहे. यामुळे अयोध्येत आज उत्साहपूर्ण वातावरण आहे.
अयोध्येतील दीपोत्सवात सहभागी होण्यासाठी देशभरातील नागरिकांनी या ठिकाणी हजेरी लावली आहे. या भव्य दीपोत्सवाच्या निमित्ताने अयोध्येचे रुपडं पालटलं आहे.
कोरोनाच्या पार्श्वभूमीवर यंदाच्या दीपोत्सवात मर्यादित संख्येतच लोकांना सहभागी होता येईल, असे सांगण्यात आले होते. मात्र तरीही अनेक भाविकांनी या ठिकाणी गर्दी केली आहे.
अयोध्येत आज साकेत महाविद्यालयापासून 11 रथांची एकत्रित यात्रा काढली जाणार आहे. या रथ यात्रेद्वारे श्रीरामांच्या जीवनावर आधारित विविध प्रदर्शन केले जाणार आहे.
दुपारी 3 वाजता उत्तरप्रदेशातील मुख्यमंत्री योगी आदित्यनाथ अयोध्येत दाखल होतील. त्यानंतर ते राम जन्मभूमीत जात प्रभू श्रीरामांचे दर्शन घेतील.
त्यानंतर योगी आदित्यनाथांच्या हस्ते राम जन्मभूमीत दीपाचे प्रज्वलन होईल. या ठिकाणी 11 हजार दिवे प्रज्वलित केली जातील.
यानंतर संध्याकाळी 4 वाजता योगी आदित्यनाथ आणि राज्यपाल एकत्र राम कथा पार्क या परिसरात जातील. त्या ठिकाणी आरती केली जाईल.
संध्याकाळी 6.15 वाजता दीपोत्सवाला प्रारंभ होईल. यावेळी 5 लाख 51 हजार दिवे प्रज्वलित केले जातील. याची गिनीज वर्ल्ड ऑफ बुक रेकॉर्डमध्ये नोंद केली जाणार आहे.
