2 रुपयांची ही गोळी करु शकते किडनी खराब! चुकूनही घेऊ नका, रिसर्चमध्ये मोठा खुलासा

आजकाल हाय कोलेस्ट्रॉलची समस्या वेगाने वाढत आहे. मोठ्या संख्येने तरुणही याचे शिकार होत आहेत. जेव्हा कोलेस्ट्रॉल खूप जास्त वाढते, तेव्हा डॉक्टर रुग्णांना रोज स्टॅटिन (Statin) औषध घेण्याचा सल्ला देतात. स्टॅटिन्स ही औषधे रक्तातील जमा झालेल्या कोलेस्ट्रॉल कमी करण्यासाठी वापरली जातात. हृदयरोगापासून बचाव करण्यासाठी ही औषधे अत्यंत प्रभावी मानली जातात. विशेष म्हणजे, स्टॅटिन्सची किंमत खूप कमी आहे. एक पूर्ण स्ट्रिप तुम्हाला फक्त २०-२५ रुपयांत मिळते.

ही औषधे यकृतात जाऊन त्या एन्झाइमला रोखतात, जे कोलेस्ट्रॉल तयार करण्यास जबाबदार असते. म्हणून हाय कोलेस्ट्रॉल आणि हृदयरोगाचा धोका जास्त असणाऱ्या रुग्णांना बहुतेकदा स्टॅटिन्स लिहून दिल्या जातात.

आरोग्य तज्ज्ञांच्या मते, कोलेस्ट्रॉल कमी करण्याव्यतिरिक्त स्टॅटिन्सचे शरीराला इतर अनेक फायदेही देतात. त्यापैकी एक महत्त्वाचा फायदा म्हणजे किडनीचे संरक्षण. एका संशोधनात असे आढळले आहे की, ज्या व्यक्तींना आधीपासूनच किडनीची समस्या आहे, त्यांना स्टॅटिन्स घेतल्याने किडनीचे कार्य चांगले होण्यास मदत होऊ शकते. अनेक अभ्यासांनुसार, स्टॅटिन्स किडनी रोगाची प्रगती मंद करू शकतात आणि एक्यूट किडनी इंजरी (AKI) सारख्या घटनांचा धोका कमी करू शकतात. बहुतेक संशोधन आणि क्लिनिकल ट्रायल्स स्टॅटिन्सला सुरक्षित आणि फायदेशीर ठरवतात.

मात्र एका अभ्यासाने केला मोठा खुलासा…

एका मोठ्या अभ्यासात दावा करण्यात आला आहे की, अनेक वर्षे सतत स्टॅटिन्स घेतल्याने किडनीच्या समस्या वाढू शकतात. या अभ्यासात ४०,००० हून अधिक रुग्णांचा ८.४ वर्षेपर्यंत अभ्यास करण्यात आला. ज्यांनी स्टॅटिन्स घेतले आणि ज्यांनी घेतले नाहीत, यांची तुलना करण्यात आली.

अभ्यासात आढळले की, स्टॅटिन्स घेणाऱ्यांमध्ये तीन प्रकारच्या किडनी समस्या जास्त प्रमाणात आढळल्या:

-एक्यूट किडनी इंजरीचा धोका ३०% जास्त

-क्रॉनिक किडनी डिजीजचा धोका ३६% जास्त

-नेफ्राइटिस किंवा रीनल स्क्लेरोसिसचा धोका ३५% जास्त

-हा धोका केवळ आधीच आजारी असणाऱ्या रुग्णांपुरते मर्यादित नसून, निरोगी व्यक्तींमध्येही क्रॉनिक किडनी डिजीजशी संबंध आढळला आहे.

स्टॅटिन्सचे फायदे अनेक संशोधनांमध्ये सिद्ध झाले आहेत, तरीही काही अभ्यासांमध्ये दीर्घकाळ वापरल्यास त्यांना धोकादायक मानले जाते. क्लिनिकल ट्रायल्स सामान्यतः फक्त काही वर्षांसाठी केले जातात, ज्यात स्टॅटिन्सचे अल्पकालीन फायदे दिसतात. पण जेव्हा लोक ही औषधे १० वर्षे किंवा त्याहून अधिक काळ रोज घेतात, तेव्हा किडनीवर होणारा दीर्घकालीन परिणाम वेगळा असू शकतो.
याचा अर्थ असा नाही की स्टॅटिन्स थेट किडनी रोगाचे कारण आहेत, पण यांचा किडनीशी संबंध असल्याचे स्पष्ट झाले आहे, ज्याकडे गांभीर्याने लक्ष देणे गरजेचे आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच डॉक्टरांच्या सल्ल्याने औषधे घ्यावीत)