Marathi News Lifestyle Bone pain starts after the age of thirty, be sure to do these 5 tests

वयाच्या तिशीनंतर हाडांचं दुखणं सुरु, या 5 टेस्ट नक्की करा

वयाच्या तिशी-पस्तीशीनंतर हाडे दुखत असतील ती गोष्ट सामान्य नाही. खास करुन ही दुखणी वारंवार होत असतील तर वेळीच सावध व्हायला हवे.जर त्याकडे दुर्लक्ष केले तर पुढे त्याचा परिणाम अन्य आजार वाढण्यात होऊ शकतो. त्यासाठी काही तपासण्या कराव्यात...

Bone pain starts after the age of thirty, be sure to do these 5 tests

Atul Kamble | Updated on: Jul 18, 2025 | 3:18 PM

वयाच्या तिशीनंतर शरीरात अनेक हार्मोनल आणि मेटाबॉलिक बदल होत असतात. या वयात बोन डेन्सिटी कमी होणे सुरु होत असते. जर शरीराला योग्य कॅल्शियम, विटामिन्स डी आणि प्रोटीन मिळाले नाही तर हाडे हळूहळू कमजोर होऊ लागतात. कार्यालयात खूपकाळ बसून रहाणे, व्यायाम न करणे, अयोग्य आहार शैली आणि उन्हापासून दूर रहाणे, याचा सर्व परिणाम हाडांच्या आरोग्यावर वाईट होतो. महिलांमध्ये प्रेग्नंसी वा पिरियडमध्ये हार्मोन्स बदल देखील या कारणीभूत असू शकतात.या वयात जर हाडांची दुखणी सुरु झाली तर त्याकडे दुर्लक्ष करु नका, कारण पुढे जाऊन गंभीर समस्या होऊ शकते

सर्वोदय रुग्णालयाचे डॉ. अचित उप्पल यांनी सांगितले की हाडांमध्ये सातत्याने दुखणे कोणत्याही मोठी समस्येचे संकेत होऊ शकतात. जर वेळीच उपचार केले नाहीत तर हाडे हळूहळू कमजोर होऊन ऑस्टीओपेनिया वा ऑस्टीयोपोरॉसिस सारख्या स्थितीत पोहचू शकते. यात हाडे सहज तुटू शकतात. खासकरुन माकड हाड, नितंब आणि खांद्याचे हाड,संधीवाताची सुरुवातही हाडांच्या दुखण्यापासून होते. ज्यात सांधे आखडतात आणि चालताना तसेच फिरताना त्रास होतो.याशिवाय हाडांमध्ये सूज असेल शरीरातील अंतर्गत इंफेक्शन वा ऑटोइम्युन डिसऑर्डर सारखे रुमेटॉईड आर्थरायटीसचा संकेत होऊ शकते. लागोपाठ थकवा, झोपेची कमतरता आणि स्नायूंचे अखडने यासारखी लक्षणे देखील दिसू शकतात. त्यामुळे हाडांच्या दुखण्याकडे दुर्लक्ष करणे धोकादायक ठरु शकते.