Weight Loss Tips: सणासुदीच्या दिवसात रहायचे असेल फिट तर प्या ‘या’ भाज्यांचे ज्यूस

सणासुदीचे, उत्सवाचे (festive season) दिवस हे मिठाई, तळलेले पदार्थ यांशिवाय अपूर्ण असतात. चविष्ट पदार्थ खाण्याच्या नादात बरेचसे लोक ओव्हरइटिंग (overeating) करतात. मात्र हे पचनसंस्थेसाठी खूप हानिकारक ठरते. तसेच यामुळे बद्धकोष्ठता व सूज येणे यासारख्या समस्यांनाी सामोरे जावे लागू शकते. पोटही खराब होते. अशा परिस्थितीत तुम्ही वेगवेगळ्या भाज्यांचे ज्यूस (vegetable juice) डाएटमध्ये समाविष्ट करू शकता. यामुळे पचनसंस्था निरोगी राहण्यास मदत होईल. तसेच हे ज्यूस वजन कमी करण्यासही मदत करतात.

कोणत्या भाज्यांचे ज्यूस आपण पिऊ शकतो, ते जाणून घेऊया.

बीटाचा ज्यूस –
बीटामध्ये लोह मुबलक प्रमाणात असते, ज्यामुळे शरीरात लोहाची कमतरता निर्माण होत नाही. तसेच बीटामध्ये फायबरही असते. हे पचनसंस्था निरोगी ठेवण्याचे कार्य करते. बीटामध्ये खूप कमी प्रमाणात कॅलरीज असतात. त्याने वजन कमी होण्यासही मदत होते. त्यामुळे बीटाच्या ज्यूसचे सेवन कराने.

लिंबू आणि आल्याचा रस –
लिंबामध्ये व्हिटॅमिन सी भरपूर प्रमाणात असते. त्यामध्ये यात ॲंटी-ऑक्सिडंट गुणधर्मही असतात. आल्याचे सेवन केल्याने मेटाबॉलिजमही वाढते. लिंबू आणि आलं मिश्रित रस आपल्या शरीरातील विषारी पदार्थ काढून टाकण्याचे कार्य करतो.

सफरचंदाचा रस –
तुम्ही सफरचंदाचा रसही पिऊ शकता. त्यामध्ये फायबरचे प्रमाण जास्त असते. यामुळे पचनसंस्था निरोगी राहते. सफरचंदाचा ज्यूस प्यायल्याने बद्धकोष्ठता आणि सूज येण्याची समस्या दूर होते. तसेच याचे सेवन केल्याने वजन वेगाने कमी होण्यासही मदत होते.

हिरव्या भाज्यांचा ज्यूस –
पालकामध्ये लोह मुबलक प्रमाणात असते. त्यामुळे तुम्ही पालक किंवा कोबीपासून बनवलेला ज्यूसही तुम्ही पिऊ शकता. या भाज्यांमध्ये फायबर आणि ॲंटी-ऑक्सिडंट गुणधर्म भरपूर प्रमाणात असतात. हिरव्या भाज्यांचा ज्यूस सेवन केल्याने वेगाने वजन कमी होण्यास मदत होते.