Health Care Tips : उन्हाळ्यात हे 5 पदार्थ नक्की खा आणि निरोगी राहा!

मुंबई : उन्हाळ्याच्या हंगामामध्ये आहारावर (Food) अधिक लक्ष द्यावे लागते. विशेष म्हणजे शरीर थंड राहण्यास आणि ऊर्जावान राहण्यासाठी काही खास पदार्थांचा आहारामध्ये समावेश करणे अत्यंत महत्वाचे आहे. या काळात आपण आपल्या खाण्यापिण्याची अधिक काळजी घेतली पाहिजे. या हंगामात जास्त तळलेले अन्न (Fried food), गरम मसाले आणि जड अन्न टाळा, यामुळे अतिसार आणि मळमळ यासारख्या अनेक समस्या उद्भवू शकतात. यामुळे तुम्हाला निर्जलीकरण देखील होऊ शकते. आपल्या आहारात थंड पदार्थांचा समावेश करा, जे हायड्रेटेड (Hydrated) आणि ऊर्जावान राहण्यास मदत करेल. उन्हाळ्याच्या हंगामामध्ये आहारामध्ये नेमके काय घेते पाहिजे, हे आपण सविस्तरपणे जाणून घेणार आहोत.

दही आणि ताक

उन्हाळ्याच्या हंगामामध्ये आपल्या आहारामध्ये दही आणि ताकाचा समावेश करणे खूप जास्त फायदेशीर आहे. ते तुम्हाला थंड ठेवण्यास मदत करतात. या दोन्हीमध्ये कॅल्शियम आणि प्रथिने भरपूर प्रमाणात असतात. त्यात प्रोबायोटिक्स देखील असतात. ते पचनसंस्था निरोगी ठेवण्यास मदत करतात. काळे मीठ आणि पुदिन्याची ताजी पाने मिसळून तुम्ही याचे सेवन करू शकता. यामुळे तुमचे पोट थंड राहण्यास मदत होईल.

आवळा

आवळा व्हिटॅमिन सी आणि फायबरने समृद्ध आहे. त्याचा रस तुम्ही सेवन करू शकता. तुम्ही कच्चा आवळा देखील खाऊ शकता. हा रस तयार करण्यासाठी आवळा आणि थोडे पाणी ब्लेंडरमध्ये टाका. ते मिक्स करा, चवीनुसार मध आणि बर्फ घाला. उन्हाळ्यात दुपारच्या वेळी या रसाचे सेवन करणे अधिक फायदेशीर ठरते. यामुळे आपल्या शरीराची ऊर्जा वाढण्यास मदत होते.

नारळाचे पाणी

बाराही महिने नारळाचे पाणी पिणे आपल्या आरोग्यासाठी फायदेशीर आहे. नारळाच्या पाण्यात जीवनसत्त्वे, खनिजे, पोटॅशियम आणि मॅग्नेशियमसारखे पोषक घटक असतात, जे तुम्हाला हायड्रेट ठेवण्यास मदत करतात. यामुळे या हंगामामध्ये नारळाचे पाणी दररोज आहारामध्ये घ्या.

कलिंगड आणि काकडी

उन्हाळ्याच्या हंगामामध्ये कलिंगड, काकडी, संत्री यासारखे पदार्थ सेवन करावेत. ते तुम्हाला दिवसभर हायड्रेट ठेवतात. त्यात जीवनसत्त्वे, खनिजे आणि फायबरसारखे पोषक घटक असतात. तुम्ही ते सॅलडच्या स्वरूपात खाऊ शकता. ही फळे कापून थोडा लिंबाचा रस पिळून घ्या आणि खा.

संंबंधित बातम्या :

Skin Care | सनस्क्रीन त्वचेसाठी अत्यंत फायदेशीर, मात्र खरेदी करण्यापूर्वी या गोष्टी लक्षात ठेवा!

Skin | उन्हाळ्यात तेलकट त्वचेची समस्या दूर करण्यासाठी हे 4 घरगुती स्क्रब अत्यंत फायदेशीर…