घरातच मिळवा ब्युटी पार्लरसारखी चमक, फक्त 10 रुपयांचा येईल खर्च…

उन्हाळ्यात सूर्यप्रकाश आणि घामामुळे तुमच्या चेहऱ्याची त्वचा काळपट दिसते. टॅनिंगमुळे चेहऱ्याची चमकही कमी होते. परिणामी, पार्लरला वारंवार जाणं शक्य होत नाही. शिवाय, पार्ललमध्ये गेल्यानंतर पैसे देखील खर्च होतात. सौंदर्य प्रसाधनांमध्ये अनेकदा भरपूर रसायने असतात. तर अशा घरगुती वस्तूंबद्दल जाणून घ्या, ज्या तुमच्या चेहऱ्यावर पार्लरसारखी चमक आणू शकतात आणि तुम्हाला 10 रुपयांपेक्षा कमी खर्चात चमकदार चेहरा मिळेल.

पहिला घटक बटाटा आहे. तो नैसर्गिक ब्लीच म्हणून काम करतो. बटाट्याचा रस थेट चेहऱ्यावर लावा आणि 10 – 15 मिनिटांनंतर धुवून टाका. दुसरा पर्याय म्हणून, तांदळाचे पीठ, बटाट्याचा रस, थोडे कोरफड आणि टोमॅटोचा रस एकत्र करून फेस पॅक बनवा. एक गुळगुळीत पेस्ट तयार होईल इतका बटाट्याचा रस त्यात घाला. पाणी वापरू नका. हा फेस पॅक 15 मिनिटांसाठी चेहऱ्यावर लावा. त्यानंतर, हातावर थोडा बटाट्याचा रस घ्या, तो चेहऱ्यावर हलक्या हाताने लावा आणि चेहरा स्वच्छ करण्यासाठी उपयोगी आहे.

दुसरा घटक म्हणजे संत्र्याची आणि लिंबाची सालं, जर त्वचा जास्त काळवंडत असेल, तर ताज्या संत्र्याच्या आणि लिंबाच्या साली किसून घ्या आणि नंतर त्या वाटून घ्या. हे मिश्रण कोरफड आणि व्हिटॅमिन ई कॅप्सूलमध्ये मिसळा आणि आपल्या त्वचेवर लावा. हा फेस पॅक आठवड्यातून तीन वेळा वापरल्यास तुमचा चेहरा उजळेल, कारण यातून चांगल्या प्रमाणात व्हिटॅमिन सी मिळते, कोरफड त्वचा मऊ करते आणि व्हिटॅमिन ई देखील त्वचेसाठी आवश्यक आहे.

जर तुमची त्वचा निस्तेज दिसत असेल आणि मृत पेशींमुळे तिची चमक कमी झाली असेल, तर ओट्स उपयुक्त ठरू शकतात. ओट्स दळून त्याची पावडर बनवा. ती मध, दूध किंवा दह्यामध्ये मिसळा. हे मिश्रण चेहऱ्यावर काही मिनिटांसाठी लावा. त्यानंतर, हळुवारपणे चेहरा स्वच्छ करा. दूध आणि दह्यामध्ये लॅक्टिक ॲसिड असते, जे चेहऱ्याला उजळ करते, तर ओट्स त्वचेची खोलवर स्वच्छता करतात. तुम्ही हा पॅक आठवड्यातून एकदा लावू शकता.

उन्हाळ्यात टॅनिंगमुळे तुमच्या चेहऱ्याची, हातांची आणि पायांची त्वचा काळवंडू शकते. तुमची चमक परत मिळवण्यासाठी टोमॅटो उपयुक्त ठरू शकतो. त्याचा रस थेट लावा किंवा एक टोमॅटो अर्धा कापून त्यात चिमूटभर हळद आणि थोडे बेसन घाला. त्याने चेहऱ्यावर मसाज करा. आठवड्यातून दोन-तीन वेळा हा उपाय केल्याने तुमच्या त्वचेला चमक येईल आणि टॅनिंग कमी होईल.

हळद आणि दही हा एक जुना उपाय आहे. दररोज रात्री झोपण्यापूर्वी चेहऱ्यावर दही आणि हळदीचे मिश्रण लावा. ते 15 मिनिटे तसेच राहू द्या, नंतर गुलाबपाण्याने मसाज करा आणि धुवा. दह्यामध्ये असलेले लॅक्टिक ॲसिड त्वचा उजळ करते आणि त्वचेच्या खोलवरच्या स्वच्छतेसाठी एक उत्तम घटक आहे. हळद नैसर्गिकरित्या त्वचा उजळ करते.