Processed Food | ‘प्रोसेस्ड फूड’ खाणाऱ्यांनो, सावधान! गंभीर आजारांसह अकाली मृत्यूची शक्यता…

मुंबई : आजच्या धकाधकीच्या जीवनात स्वत:ला निरोगी ठेवणे, हे प्रत्येकासाठीच सर्वात मोठे आव्हान आहे. स्वत:ला निरोगी ठेवण्यासाठी आणि चांगल्या जीवनशैलीसाठी आहारात पौष्टिक पदार्थ खाणे देखील खूप महत्त्वाचे आहे. परंतु, आपण आपल्या डाएटमध्ये कोणत्या गोष्टींना अधिक प्राधान्य देतो, ही केवळ आपल्या सवयींवर अवलंबून आहे (Study says processed food may harm your body).

आहारातील पौष्टिक पदार्थ आपल्या निरोगी जीवनाचा महत्त्वाचा आधार आहेत. डॉक्टरांच्या म्हणण्यानुसार आपण काय खातो आणि ते कुठल्या प्रकारे खातो, हे लक्षात घेणे फार महत्त्वाचे आहे. प्रक्रिया केलेले अन्न अर्थात प्रक्रिया केलेले अन्न सेवन करणे आपल्या आरोग्यासाठी फार चांगले नाही, हे प्रत्येकालाच माहित आहे. यासाठी आपण कमीत कमी प्रोसेस्ड फूड खाण्याचा प्रयत्न केला पाहिजे.

संशोधकांचा अभ्यास…

अमेरिकन जर्नल ऑफ क्लिनिकल न्यूट्रिशनमध्ये प्रकाशित झालेल्या अभ्यासानुसार, साखर आणि प्रीजर्व्हेटीव्ह्स पदार्थ असलेले अल्ट्रा-प्रोसेस्ड पदार्थ जसे की, पिझ्झा, बर्गर, साखर युक्त स्नॅक्स आणि केक्स इत्यादी खाल्ल्याने हृदयविकाराचा धोका अधिक वाढतो. त्यांच्या नियमित सेवनाणे अकाली मृत्यू होण्याचीही दाट शक्यता आहे.

इनसाइडरने दिलेल्या वृत्तानुसार, इटलीमधील संशोधकांनी 35 वर्ष नि त्यापेक्षा अधिक वयाच्या पुरुष आणि स्त्रियांच्या जीवनशैलीचे निरीक्षण केले आणि काही डेटा गोळा केला. यामध्ये त्यांनी पुरुष आणि स्त्रियांच्या खाण्याच्या सवयी आणि आरोग्याचे विवरण केले होते (Study says processed food may harm your body).

हृदयरोग आणि स्ट्रोकची शक्यता…

या अहवालातून त्यांना कळले की, ज्यांनी जास्त प्रमाणात प्रक्रिया केलेले खाद्यपदार्थ खाल्ले त्यांना हृदय व रक्तवाहिन्यासंबंधी रोग, हृदयविकाराचा झटका आणि स्ट्रोकचा जास्त धोका दिसून आला. तर ज्यांनी प्रक्रिया केलेले पदार्थ खाल्ले नाहीत, त्यांच्यात कमी धोका दिसून आला आहे. ज्या लोकांनी जास्तीत जास्त प्रोसेस्ड फूड खाल्ले, त्यांना या पदार्थांमधून दररोज कमीतकमी 15 टक्के कॅलरी मिळाली.

प्रोसेस्ड फूडचे सेवन केल्यावर, शरीर दिवसातून 300 ते 1250 कॅलरींचे शोषण करते. अशा प्रकारे, प्रोसेस्ड फूड खाणारे लोक त्यांच्या कमीतकमी अल्ट्रा प्रोसेस्ड पदार्थांचे सेवन करणाऱ्या साथीदारांच्या तुलनेत, हृदयरोगाने मरण पावण्याची शक्यता 58 टक्के जास्त आहेत. अशा लोकांमध्ये स्ट्रोक किंवा सेरेब्रॉव्हस्क्युलर रोगाच्या इतर प्रकारामुळे मृत्य येण्याचे प्रमाण 52 टक्के इतके होते.

(Study says processed food may harm your body)

हेही वाचा :

Diet Tips | जेवणाच्या पद्धतीत ‘हे’ बदल करा आणि वजन वाढीच्या समस्येपासून मुक्ती मिळावा!https://t.co/jmyODnkmXc#DietTips #healthtips #food #weightloss

— TV9 Marathi (@TV9Marathi) December 9, 2020