Travel Special: पोखराला फिरण्यासाठी जाणार आहात?, मग या ठिकाणांना न चुकता भेट द्याच
पोखराला (Pokhara Tourism) नेपाळचे (Nepal) हृदय म्हटलं जाते. तुम्ही नेपाळला गेलात आणि जर पोखराला भेट दिली नाही तर असे मानण्यात येते की तुमची ट्रिप ही अपूर्ण राहिली. येथील निसर्ग सौंदर्य आणि शांतता पर्यटकांना भुरळ घालते. पोखराचे सौंदर्य हे डोळ्याचे पारणं फेडणारे सौंदर्य आहे. त्यामुळे दरवर्षी जगभरातून लाखो पर्यटक नेपाळ आणि पोखराला भेट देत असतात. आज आपण पोखरामधील काही महत्त्वपूर्ण स्थळांची माहिती घेणार आहोत.
पोखराला (Pokhara Tourism) नेपाळचे (Nepal) हृदय म्हटलं जाते. तुम्ही नेपाळला गेलात आणि जर पोखराला भेट दिली नाही तर असे मानण्यात येते की तुमची ट्रिप ही अपूर्ण राहिली. येथील निसर्ग सौंदर्य आणि शांतता पर्यटकांना भुरळ घालते. पोखराचे सौंदर्य हे डोळ्याचे पारणं फेडणारे सौंदर्य आहे. त्यामुळे दरवर्षी जगभरातून लाखो पर्यटक नेपाळ आणि पोखराला भेट देत असतात. आज आपण पोखरामधील काही महत्त्वपूर्ण स्थळांची माहिती घेणार आहोत.
ताल बाराही मंदिर : तुम्ही जर नेपाळ फिरण्यासाठी जाणार असाल तर ताल बाराही मंदिराला आवश्य भेट द्या. हे मंदिर माता दुर्गाचे मंदिर आहे. हे मंदिर चारही बाजूने तलावाने वेढलेले आहेत. अठराव्या शतकात या मंदिराची निर्मिती करण्यात आली होती. मंदिर परिसरातील वातावरण अतिशय शांत असे आहे.
रुपा ताल तलाव : या तलावाचा विस्तार पोखरा घाटीच्या दक्षिण -पूर्व असा आहे. हा तलाव पोखरामधील तीसऱ्या नंबरचा सर्वाधिक मोठा तलाव आहे. या तलावाचे वैशिष्ट म्हणजे नेपाळमधी हा एकमेव तलाव असा आहे, जो गोड्यापाण्याचा तलाव आहे. येथे तुम्ही बोटिंगचा देखील आनंद घेऊ शकता.
बेगनास तलाव : हा देखील पोखरामधील एक महत्त्वपूर्ण तलाव आहे. असे मानण्यात येते की वातावरणानुसार हा तलाव आपले रंग बदलतो. पोखरा घाटीमधील हा दुसरा सर्वात मोठा तलाव आहे. तुम्ही या तलावामध्ये फीश कॅचिंग आणि बोटिंगचा आनंद घेऊ शकता. दरवर्षी हजारो पर्यटक या तलावाला भेट देतात.
सारंगकोट : हे पोखरामधील सर्वाधिक लोकप्रिय ठिकाण आहे. सारंगकोटवर निसर्गाने मुक्तहस्ताने उधळण केली आहे. तुम्हाला जर काही दिवस एकतांत घालवायचे असतील तर तुम्ही सारंगकोटला आवश्य भेट द्या. दरवर्षी जगभरातून लाखो पर्यटक सारंगकोटला भेट देत असतात.