ATS ची मोठी कारवाई; ‘या’ शहरात जिलेटीनच्या तब्बल 1500 कांड्या जप्त
फ्रेजरपुरा पोलीस ठाण्याच्या हद्दीत दहशतवादविरोधी पथकाने अंदाजे 1200 ते 1500 जिलेटिनच्या कांड्या जप्त केल्या केल्या आहेत. (amravati ats seized gelatin)
अमरावती : दहशतवादी विरोधी पथकाने फ्रेजरपुरा पोलीस ठाण्याच्या हद्दीत एक मोठी कारवाई केली आहे. फ्रेजरपुरा पोलीस ठाण्याच्या हद्दीत दहशतवादविरोधी पथकाने अंदाजे 1200 ते 1500 जिलेटीनच्या कांड्या जप्त केल्या आहेत. मिळालेल्या माहितीनुसार स्फोटक पदार्थांचा हा साठा तीन वाहनांमध्ये भरून ठेवलेला होता. (ATS seized near about 1200 gelatin sticks found in Amravati)
मिळालेल्या माहितीनुसार मालेगावमधील फ्रेजपुरा पोलीस ठाण्याच्या हद्दीत मासोद येथे जिलेटीनच्या कांड्यांनी भरलेल्या तीन गाड्या असल्याचे दहशतवाद विरोधी पथकाला समजले. त्यानंतर एटीएसच्या पथकाने कारवाई करण्यासाठी सापळा रचला. एटीएसने फ्रेजपुरा येथील मासोदमध्ये कारवाई करत येथील अंदाजे 1200 ते 1500 जिलेटीनच्या कांड्या जप्त केल्या. सध्या या कांड्यांना मोजण्याचे काम सुरु आहे. तसेच एवढ्या मोठ्या प्रमाणात जिलेटीनच्या कांड्या नेमक्या आल्या कुोठून याचासुद्धा तपास एटीएसकडून सुरु आहे.
यापूर्वीसुद्धा जिलेटीनच्या कांड्या जप्त
एवढ्या मोठ्या प्रमाणात जिलेटीनच्या कांड्या सापडण्याची ही काही पहिलीच वेळ नाही. अमरावतीमधील तिवसा येथील पंचवटी चौकामध्ये 19 मार्च रोजी जिलेटीनच्या कांड्या सापडल्या होत्या. यावेळी पोलिसांनी 25 किलो जिलेटीनसह काही स्फोटकं ताब्यात घेतली होती.
जिलेटीनच्या कांड्या किती घातक?
जिलेटीनच्या कांड्यांचा वापर स्फोटकं म्हणून केला जातो. विशेषत: खाणकाम, विहिरी खणणं, मोठमोठे दगड फोडणे किंवा दगड खाणींमध्ये जिलेटीनचा वापर केला जातो. लांबून वात पेटवून स्फोट घडवून दगड फोडण्यासाठी विशेषत: जिलेटीनचा वापर केला जातो. मात्र जिलेटीनच्या कांड्यांचा स्फोट होऊन अनेकांचा मृत्यू झाल्याच्या बातम्या यापूर्वी अनेकवेळा आल्या आहेत. एका जिलेटीनच्या कांडीत भीषण स्फोटाची क्षमता असते.
जालन्यात कोरोना रोखण्यासाठी पाच सूत्री कार्यक्रम; आरोग्य मंत्र्यांनी दिले ‘हे’ आदेशhttps://t.co/QfMrSXUh8i#rajeshtope | #jalna | #coronavirus | #CoronaVirusUpdates | #MaharashtraFightsCorona | #ravindrabinwade
— TV9 Marathi (@TV9Marathi) April 5, 2021
इतर बातम्या :
धक्कादायक..अमरावतीमध्ये जिलेटीनच्या 200 कांड्या आढळल्यानं खळबळ, एकाला अटक
(ATS seized near about 1200 gelatin sticks found in Amravati)