VIDEO | आधी कोयत्याच्या धाकाने बेदम मारहाण, नंतर तरुणाला गाडीवर बसवून चौघे पसार

तरुणाला मारहाणीची दृश्यं कॅमेरात कैद

औरंगाबाद : कोयत्याच्या धाकाने तरुणाला बेदम मारहाण केल्याची घटना औरंगाबादमध्ये समोर आली आहे. मारहाण करुन तरुणाला गाडीवरुन सोबत नेले. औरंगाबाद शहरातील अजब नगर परिसरात भरगर्दीत हा प्रकार घडला. ही घटना मोबाईल कॅमेरात चित्रित करण्यात आली आहे. (Aurangabad Crime Man beaten up by Four threatening by knife)

मारहाणीनंतर तरुणासह गाडीवर पसार

कोयत्याचा धाक दाखवून तरुणाला औरंगाबाद शहरातील अजब नगर परिसरात बेदम मारहाण करण्यात आली. मारहाण करुन तरुणाला आरोपी बाईकवरुन सोबत घेऊन गेले. सायंकाळच्या सुमारास गर्दीच्या ठिकाणी भररस्त्यात हा प्रकार घडला. मारहाणीची दृष्यं मोबाईल कॅमेऱ्यात कैद झाली आहेत. तरुणाला मारहाण करणाऱ्या चारही आरोपींची ओळख मात्र अद्याप अस्पष्ट आहे.

पाहा व्हिडीओ :

ठिबक सिंचनाच्या पाईपने मारहाण

बांधाच्या वादावरुन शेतकरी कुटुंबाला बेदम मारहाण झाल्याची घटना दोनच दिवसांपूर्वी उघडकीस आली होती. नारायण काळे आणि त्यांच्या कुटुंबाला बेदम मारहाण झाल्याचा आरोप होता. औरंगाबाद जिल्ह्यातल्या कन्नड तालुक्यातील हातनूर गावात ही घटना घडल्याची माहिती आहे.

ठिबक सिंचनाचे पाईप उपसून कुटुंबावर फेकत मारहाण केले. पुरुषांसह महिलांनाही बेदम मारहाण केल्याचे कॅमेरात कैद झाले आहे. काही जणांना फरपटत नेल्याचेही व्हिडीओमध्ये दिसत आहे.

संबंधित बातम्या :

VIDEO | औरंगाबादेत शेतकरी कुटुंबाला बेदम मारहाण, पुरुषांसह महिलांनाही चोप

VIDEO | शेतीच्या वादातून राडा, दोन गटात तुफान हाणामारी, लाठ्या-काठ्यांसह दगड-विटांनी मारहाण

औरंगाबादमध्ये जमिनीचा वाद, होमगार्ड महिलेला नग्न करुन मारहाण

(Aurangabad Crime Man beaten up by Four threatening by knife)