Bhawesh Kaware : भावेश कावरे प्रकरणात मोठा ट्विस्ट; सोशल मीडियावर नव्या मोहिमेला सुरुवात, नेमकं काय घडलं?
आता भावेश कावरे प्रकरणाला नवं वळण लागलं आहे. त्याच्या समर्थनात नव्या मोहिमेला सुरुवात झाली आहे.
रिअल इस्टेट एजंट भावेश कावरे सध्या चांगलाच वादात सापडला आहे. भावेश कावरेवर त्याच्या एका व्हिडिओमुळे टीकेची झोड उठली आहे. मासांहार करणाऱ्यांना ताडदेवमध्ये घर मिळणार नसल्याचे त्याने एका व्हिडिओमध्ये म्हटलं होतं. भावेश कावरेच्या या व्हिडिओनंतर ठाकरे गट आणि मनसेने आक्रमक भूमिका घेतली. त्याच्या घराच्या पाटीवर मनसेने कोंबडीच्या पायांचा हार घालून आंदोलन केलं. त्यानंतर भावेश कावरेने माफी मागून थेट देवेंद्र फडणवीसांना मदतीची मागणी केली. याच भावेश कावरेच्या समर्थनात नव्या मोहिमेला सुरुवात झाली आहे.
त्या दिवशी नेमकं काय घडलं?
भावेश कावरेने ताडदेवमध्ये एका प्लॅटच्या विक्रीसाठी व्हिडिओच्या माध्यमातून एका जाहिरात केली होती. त्याने जाहिरातीत मांसाहार करणाऱ्यांना फ्लॅट विक्री करणार नसल्याचे म्हटलं होतं. त्याच्या या विधानाचा जोरदार विरोध झाला. ठाकरे गट आणि मनसेने खळखट्याकचा इशारा दिल्यानंतर भावेश कावरेने माफी मागितली. मनसेच्या पदाधिकाऱ्यांनी कावरेच्या घरी जाऊन त्याच्या नेम प्लेटला कोंबडीच्या पायांचा हार घालत आंदोलन देखील केलं होतं.
भावेश कावरे प्रकरणात ट्विस्ट
मुंबईत अनेक धर्म, जातींचे लोक राहतात. त्यामुळे मांसाहार करण्यावरून फ्लॅट नाकाराणे चुकीचे असल्याची भूमिका मनसे आणि ठाकरे गटाने घेतली होती. मनसेच्या दिनेश पुंडे यांनी भावेश कावरेच्या विरोधात पोलीस स्टेशनमध्ये तक्रार देखील दाखल केली आहे. स्वत: च्या व्हिडिओचं समर्थन करणाऱ्या भावेशने नंतर व्हिडिओ पोस्ट करत माफी मागितली. छत्रपती शिवाजी महाराजांच्या काळात शाकाहारी आणि मांसाहारी गुण्यागोविंदाने राहत होते. त्याकाळी अशी पकडून ठोकण्याची भाषा केली जात नव्हती, असे त्यांने म्हटलं होतं. त्यानंतर आता या प्रकरणात ट्विस्ट निर्माण झाला आहे. मनसे, ठाकरे गटाच्या इशाराऱ्यानंतर भावेश कावरेने मुख्यमंत्री देवेंद्र फडणवीस (Devendra Fadnavis) यांच्याकडे मदत मागितली होती. आता त्याच्या समर्थनात काही जण धावून आल्याचे समोर आलं आहे. आता त्याच्यासाठी ‘जस्टिस फॉर भावेश कावरे’ या मोहिमेला सुरुवात झाली आहे. या प्रकरणात जनतेची दिशाभूल करू नका, अशा आशयाची पोस्ट देखील लिहिली आहे.
