BMC Election Result 2026 : मुंबईत कुणी-कुणी उधळला गुलाल? नवाब मलिकांना मोठा धक्का, वाचा निकाल

BMC Election Winner List : संपूर्ण देशाचे लक्ष लागलेल्या मुंबई महापालिकेच्या निवडणुकीतील सुरुवातीचे निकाल समोर आले आहेत. मुंबईत भाजप आणि शिवसेनेला चांगले यश मिळताना दिसत आहे. सुरुवातीचे निकाल जाणून घेऊयात.

Nawab MalikImage Credit source: TV 9 Marathi

बापू गायकवाड | Updated on: Jan 16, 2026 | 12:25 PM

राज्यातील 29 महानगर पालिकांच्या निवडणुकीचा निकाल जाहीर व्हायला सुरूवात झाली आहे. संपूर्ण देशाचे लक्ष लागलेल्या मुंबई महापालिकेच्या निवडणुकीतील सुरुवातीचे निकाल समोर आले आहेत. मुंबईत भाजप आणि शिवसेनेला चांगले यश मिळताना दिसत आहे. मात्र ठाकरे बंधुंकडून भाजपला कडवी टक्कर मिळताना पहायला मिळत आहे. अशातच आता काही निकाल समोर आले आहेत.

तेजस्वी घोसाळकर विजयी

प्रभाग क्रमांक दोनमधून भाजपाच्या तेजस्वी घोसाळकर विजयी झाल्या आहेत. निवडणुकीच्या तोंडावर तेजस्वी घोसाळकर या भाजपात दाखल झाल्या होत्या. त्यापूर्वी त्या शिवसेना ठाकरे गटात होत्या. आता त्यांनी शानदार विजय मिळवला आहे. तेजस्वी घोसाळकर यांना 16,484 मते मिळाली आहेत. तर त विरोधी धनश्री कोळगे यांना 5759 मते मिळाली.

नवाब मलिक यांना धक्का

प्रभाग क्रमांक 165 मध्ये राष्ट्रवादीचे बडे नेते नवाब मलिक यांना धक्का बसला आहे. नवाब मलिक यांचे बंधू कॅप्टन मलिक यांचा पराभव झाला आहे. या ठिकाणी काँग्रेसचे अश्रफ आजमी विजयी झाले आहेत. अशरफ आजमी यांना 7782 मते मिळाली तर भाजपच्या रुपेश नारायण पवार यांना 7227 मते मिळाली. तसेच राष्ट्रवादीच्या कॅप्टन मलिक यांना केवळ 4863 मते मिळाली आहे.