कोरोनाच्या तिसऱ्या लाटेचा धोका ओळखून सर्व तयारी करा, राज्य सरकार पाठीशी – अजित पवार
कोरोनाचा प्रादुर्भाव नियंत्रणात आणण्यासाठी राज्य सरकार संपूर्ण ताकदीनिशी जिल्ह्याच्या पाठीशी आहे. जिल्हा प्रशासनाने आरोग्यासह सर्व यंत्रणांच्या सहाय्याने परिस्थिती नियंत्रणात आणावी, असा विश्वास अजित पवार यांनी जिल्हा प्रशासनाला दिलाय.
बीड : राज्यात कोरोनाचा प्रादुर्भाव कमी होत असल्याचं चित्र पाहायला मिळत आहे. मात्र बीड जिल्ह्यात कोरोना रुग्णांची संख्या दिवसेंदिवस वाढताना दिसत आहे. या पार्श्वभूमीवर उपमुख्यमंत्री अजित पवार आणि आरोग्यमंत्री राजेश टोपे यांनी आज बीड जिल्ह्याचा दौरा केला. कोरोनाचा प्रादुर्भाव नियंत्रणात आणण्यासाठी राज्य सरकार संपूर्ण ताकदीनिशी जिल्ह्याच्या पाठीशी आहे. जिल्हा प्रशासनाने आरोग्यासह सर्व यंत्रणांच्या सहाय्याने परिस्थिती नियंत्रणात आणावी, असा विश्वास अजित पवार यांनी जिल्हा प्रशासनाला दिलाय. तर बीड जिल्हा आरोग्य विभागाने दोन्ही लाटेत युध्दास्तरावर काम केलं. जिल्ह्याचा कॉन्टॅक्ट ट्रेसिंग रेट आजही विभागात जास्त आहे. जिल्हा प्रशासनाने कोरोनाच्या तिसऱ्या लाटेचा संभाव्य धोका ओळखून त्या दृष्टीने तयारी करावी, अशी सूचना राजेश टोपे यांनी केलीय. (Ajit Pawar’s suggestion to prepare against the backdrop of the third wave of corona)
अजित पवार यांच्या अध्यक्षतेखाली बीड जिल्ह्यातील covid-19 विषाणू प्रादुर्भाव आढावा आणि जिल्हास्तरीय खरीप हंगाम आढावा बैठकीचं आयोजन करण्यात आलं होतं. कोरोनाच्या दुसऱ्या लाटेनंतर मराठवाड्यातील इतर जिल्ह्यांच्या तुलनेत बीड मध्ये कोरोना बाधित रुग्णांचे आढळण्याचे प्रमाण जास्त आहे. कोरोना नियंत्रणासाठी राज्यशासन अनेक उपाय योजना करीत आहे. या प्रयत्नांना यशही आलं आहे. औषधं, आरोग्य सुविधा वाढवतानाच कोरोना लसीकरण गतीने होण्याच्या दृष्टीनं अजित पवार यांनी अधिकाऱ्यांना सूचना दिल्या. या बैठकीला आरोग्यमंत्री राजेश टोपे, सामाजिक न्याय व विशेष सहाय्यमंत्री तथा जिल्ह्याचे पालकमंत्री धनंजय मुंडे यांसह जिल्ह्यातील प्रमुख लोकप्रतिनिधी आणि सर्व संबंधित विभागाचे अधिकारी यांची प्रमुख उपस्थिती होती.
राज्यात कोरोनाची दुसरी लाट नियंत्रणात येत असतानाच बीड जिल्ह्यातील कोरोना रुग्णवाढीचे प्रमाण काहीसे चिंताजनक दिसून आल्याने तातडीने जिल्ह्याचा दौरा करून उपमुख्यमंत्री ना. अजितदादा पवार यांनी परिस्थितीचा आढावा घेतला.@AjitPawarSpeaks @rajeshtope11 @dhananjay_munde pic.twitter.com/ITOxpNyhcF
— NCP (@NCPspeaks) June 18, 2021
ऑक्सिजन पुरवठ्याबाबत आरोग्यमंत्र्यांच्या सूचना
संपूर्ण राज्यासाठी तीन हजार मेट्रिक टन ऑक्सिजन साठा असावा यादृष्टीने उपाययोजना करताना शासनाने यासाठी सवलती दिल्या आहेत. मोठ्या खाजगी रुग्णालयांनी आपली ऑक्सिजनची यंत्रणा सुसज्ज करावी अशा सूचना दिलेल्या आहेत. कोरोनाच्या दुसऱ्या लाटेत ऑक्सिजन अभावी रुग्णांचा झालेला मृत्यू ही दुर्दैवी बाब आहे. अशा घटना पुन्हा घडू नये यासाठी राज्य शासनाने तातडीने पावले उचलली आहेत. जिल्ह्यातील प्रत्येक तालुक्यात 14 केएल क्षमतेचा एक लिक्विड ऑक्सिजन टॅंक उपलब्ध करून लिक्विड ऑक्सिजन साठा सुरक्षित करावा, तसंच रिकामे झालेले सिलेंडर हे ग्रामीण भागात वापरावेत, अशी सूचना आरोग्यमंत्र्यांनी केलीय.
सचिवांना थेट दूरध्वनीवरून सूचना
रुग्णवाहिका मागणीचा प्रश्न तातडीने सोडविण्यासाठी तसेच म्यूकरमायकोसिस आजारवरील यंत्रणा उपलब्ध करून घेण्यातील अडचणी सोडविण्यासाठी अजित पवार यांनी राज्याचे आरोग्य आयुक्त रामस्वामी यांच्याशी थेट दूरध्वनीवरून चर्चा केली. यावेळी रुग्णवाहिका खरेदीसाठी तांत्रिक मान्यता अधिकार जिल्हा स्तरावर देण्याचा निर्णय आजच्या आज आरोग्य विभागाने करावा, असे निर्देशही पवार यांनी दिले आहेत. त्याचबरोबर माजलगावमध्ये उपजिल्हा रुग्णालय मंजूर करण्यात यावं यासाठी मुख्यमंत्री उद्धव ठाकरे यांच्याकडे शिफारस केल्याचंही पवार यांनी यावेळी सांगितलं.
Video : अजित पवारांकडून उस्मानाबादेत माणुसकीचं दर्शन, मुसळधार पाऊस सुरु असल्याने ‘गार्ड ऑफ ऑनर’ नाकारला https://t.co/f2yB9tvHn3 @AjitPawarSpeaks @rajeshtope11 @NCPspeaks @OsmanabadPolice #AjitPawar #osmanabadnews #OsmanabadPolice #GuardOfHonour #OsmanabadRain
— TV9 Marathi (@TV9Marathi) June 18, 2021
संबंधित बातम्या :
Video : ‘अजित पवारांकडून हे अपेक्षित नव्हतं’, बीडमधील लाठीमाराच्या प्रकारानंतर पंकजा मुंडेंची टीका
Ajit Pawar’s suggestion to prepare against the backdrop of the third wave of corona