Devendra Fadnavis Swearing-in : फडणवीसांचा ‘महा’शपथविधी सोहळा; पहिल्या रांगेत काँग्रेसचा हा दिग्गज नेता, अंबानींसह आणखी कोण कोण?

आज महायुती सरकारचा शपथविधी सोहळा आहे. या ‘महा’ शपथविधी सोहळ्यात देवेंद्र फडणवीस हे मुख्यमंत्रिपदाची तर अजित पवार आणि एकनाथ शिंदे हे उपमुख्यमंत्रिपदाची शपथ घेणार आहेत. मुंबईच्या आझाद मैदानात या सोहळ्याचं भव्य असं आयोजन करण्यात आलं आहे. या शपथविधी सोहळ्याला पंतप्रधान नरेंद्र मोदी यांच्यासह केंद्रीय गृहमंत्री अमित शाह आणि इतर केंद्रीय मंत्री उपस्थित राहणार आहेत. 22 राज्याचे मुख्यमंत्री देखील या शपथविधी सोहळ्यासाठी मुंबईत येणार आहेत.  तब्बल चाळीस हजार नागरिक या सोहळ्याला उपस्थित राहण्याची शक्यता आहे. शपथविधी सोहळ्यासाठी लाडक्या बहिणींना विशेष निमंत्रण देण्यात आलं आहे. या सोहळ्याला विविध क्षेत्रातील दिग्गज आणि मान्यवर उपस्थित राहणार आहेत. दरम्यान पहिल्या रांगेत कोण- कोण बसणार याबाबत आता माहिती समोर आली आहे.

पहिल्या रांगेत आसन व्यवस्था असलेल्या दिग्गजांची नावं 

अंबानी कुटुंबीय
देवेंद्र फडणवीस यांचे कुटुंबीय
पृथ्वीराज चव्हाण
अशोक चव्हाण
अंबादास दानवे
निलम गोरहे
नारायण राणे
उदयनराजे भोसले
राम नाईक

दुसऱ्या रांगेत आसन व्यवस्था असलेल्या दिग्गजांची नावं 

मर्चंट कुटुंबीय
कुमार बिर्ला
अजय पिरामल
उदय कोटक
शाहरुख खान
सलमान खान
सचिन तेंडुलकर
अंजली तेंडुलकर
दिलीप संघवी
अनिल अंबानी
रणबीर कपूर
रणवीर सिंह
गीतांजली किर्लोस्कर
बिरेंद्र सराफ
अनिल काकोडकर

दरम्यान महायुतीच्या नव्या सरकारमध्ये देखील जुनाच पॅटर्न कायम ठेवण्यात आला आहे. नव्या सरकारमध्ये देखील एक मुख्यमंत्री आणि दोन उपमुख्यमंत्री असणार आहेत. आज देवेंद्र फडणवीस हे मुख्यमंत्रिपदाची शपथ घेणार आहेत. तर अजित पवार हे उपमुख्यमंत्रिपदाची शपथ घेणार आहेत. दुसरे उपमुख्यमंत्री म्हणून एकनाथ शिंदे हे शपथ घेणार का याबाबत सस्पेन्स होता. मात्र सूत्रांकडून मिळत असलेल्या माहितीनुसार आता एकनाथ शिंदे यांच्या मनधरणीला यश आलं असून, ते देखील आज देवेंद्र फडणवीस आणि अजित पवार यांच्यासोबत शपथ घेणार आहेत.