नांदेड दौऱ्यात मंत्री बावणकुळे यांनी टाळला ‘तो’ रस्ता !, शेतकऱ्यांना दिवाळी गोड करण्याचे दिले आश्वासन
महसूलमंत्र्यांना शेतात उतरण्यासाठी अडचण येऊ नये म्हणून अधिकाऱ्यांनी एका शेतकऱ्याच्या शेतात परस्पर रस्ता तयार केला होता. दौऱ्यात हा रॅम्प चर्चेत आला होता.
गजानन देशमुख, टीव्ही ९ मराठी, प्रतिनिधी : राज्यात दुष्काळसदृश्य परिस्थिती निर्माण झाली आहे. सरकारने राज्यातील बहुतांशी जिल्ह्यात दुष्काळ जाहीर केला आहे. महसूलमंत्री चंद्रशेखर बावणकुळे यांनी नांदेड येथे आज दुष्काळ परिस्थितीची पाहणी केली आहे. यावेळी एका शेतात महसूल मंत्र्यांना अडचण होऊ नये म्हणून अधिकाऱ्यांनी तात्पुरता खडक टाकून रॅम्प तयार केला होता. यावरुन महसूल मंत्र्यांनी शेतकऱ्यांच्या नुकसानीची पाहणी करत मदतीची तातडीची कोणतीही घोषणा न करता दिवाळी गोड करण्याचे आश्वासन मात्र शेतकऱ्यांना यावेळी दिले.
नांदेड येथे आज महसुलमंत्री चंद्रशेखर बावणकुळे यांचा पाहणीदौरा आयोजित करण्यात आला होता. यावेळी शेतकऱ्याच्या एका शेतात उडी मारुन जावे लागत होते. महसुलमंत्री दौऱ्यावर येणार म्हणून अधिकारी धास्तावले. त्यानंतर या शेतात तात्पुरता खडी टाकून अधिकाऱ्यांनी मंत्र्यांसाठी रॅम्प तयार केला. हा रॅम्प मंत्री महोदयांच्या दौऱ्यात चर्चेचे कारण ठरला.
महसूलमंत्र्यांना शेतात उतरण्यासाठी अडचण येऊ नये म्हणून अधिकाऱ्यांनी एका शेतकऱ्याच्या शेतात परस्पर रस्ता तयार केला होता. बावनकुळे यांच्या पाहणी दौऱ्यात या रॅम्पची चांगलीच चर्चा, शेतकरी शेतात उड्या मारून जात असतात, मंत्री आल्यावर असा रस्ता बांधणे योग्य नाही असे यावेळी महसूलमंत्री चंद्रशेखर बावणकुळे यांनी म्हटले आहे.
तुमची दिवाळी गोड करु
महसूल मंत्री चंद्रशेखर बावनकुळे यांनी सोमवारी नांदेडच्या अर्धापूर शिवारातील विमलबाई साखरे यांच्या शेतातील सोयाबीन पिकाची पाहणी केली. सरकार शेतकऱ्यांच्या सोबत आहे, शेतकऱ्यांनी कोणतीही काळजी करू नये तुमची दिवाळी गोड करु असे महसूल मंत्री चंद्रशेखर बावनकुळे यांनी शेतकऱ्यांना यावेळी आश्वासित केले. यावेळी महसूलमंत्र्यांना शेतात येण्यासाठी कोणतीही अडचण येऊ नये यासाठी अधिकाऱ्यांनी शेतकऱ्यांच्या परस्पर खडी टाकून रस्ता तयार केला होता.
परंतू महसूल मंत्र्यांनी या खास त्यांच्यासाठी बांधण्यात आलेल्या रस्त्याऐवजी इतर ठिकाणाहून शेतात शिरणे पसंत केलं. यावेळी पत्रकारांनी मंत्री चंद्रशेखर बावनकुळे यांना शेतकऱ्याच्या परस्पर हा रस्ता बांधल्याचे त्यांना सांगितले आणि याबाबत विचारलं असता शेतकरी बांधावरून उड्या मारून जात असतात आणि मंत्री आल्यावर अशा पद्धतीचा रस्ता तयार करणे हे मला मान्य नसल्याची प्रतिक्रिया महसूल मंत्री बावनकुळे यांनी दिली. यावेळी शेतकऱ्याने आपल्या अपरोक्ष परस्पर हा रस्ता निर्माण केल्याचे सांगितले.
